ನಿಖರ ಗುರಿಯೊಂದಿಗೆ ಹಡಗನ್ನು ಮುಳುಗಿಸಿದ ಭಾರತೀಯ ನೌಕಾಪಡೆಯ ಹಡಗು-ವಿರೋಧಿ-ಕ್ಷಿಪಣಿ | Janata news

ಕಾರವಾರ : ಭಾರತೀಯ ನೌಕಾಪಡೆ ತನ್ನ ಕ್ಷಿಪಣಿ ಕಾರ್ವೆಟ್ ಐಎನ್ಎಸ್ ಪ್ರಬಲ್ ನಿಂದ ಉಡಾಯಿಸಿದ ಹಡಗು ವಿರೋಧಿ ಕ್ಷಿಪಣಿ(ಎಎಸ್ಎಚ್ಎಂ) ವೀಡಿಯೊ ಒಂದನ್ನು ಇಂದು ಶುಕ್ರವಾರ ಹಂಚಿಕೊಂಡಿದೆ. ಈ ವೀಡಿಯೊದಲ್ಲಿ, ಹಡಗು ವಿರೋಧಿ ಕ್ಷಿಪಣಿ(ಎಎಸ್ಎಚ್ಎಂ) ಗರಿಷ್ಠ ವ್ಯಾಪ್ತಿಯಲ್ಲಿ ಮತ್ತು ಮಾರಕ ನಿಖರತೆಯೊಂದಿಗೆ ಗುರಿಯಿಟ್ಟು ಹಡಗೊಂದನ್ನು ಹೊಡೆದು ಮುಳುಗಿಸುವದನ್ನು ತೋರಿಸಲಾಗಿದೆ.

ಭಾರತೀಯ ನೌಕಾಪಡೆಯ ಟ್ವೀಟ್ ಪ್ರಕಾರ, ತನ್ನ ಕ್ಷಿಪಣಿ ಕಾರ್ವೆಟ್ ಐಎನ್ಎಸ್ ಪ್ರಬಲ್ ನಡೆಸುತ್ತಿರುವ ಅಭ್ಯಾಸದ ಡ್ರಿಲ್ ಸಮಯದಲ್ಲಿ ಹಡಗು ವಿರೋಧಿ ಕ್ಷಿಪಣಿಯನ್ನು ಹಾರಿಸಿದೆ. ಅರಬ್ಬೀ ಸಮುದ್ರದಿಂದ ಎಲ್ಲೋ ಉಡಾಯಿಸಲ್ಪಟ್ಟ ಕ್ಷಿಪಣಿ ಅದರ ಗರಿಷ್ಠ ವ್ಯಾಪ್ತಿಯ ಮಾರಕ ನಿಖರತೆಯಿಂದ, ತನ್ನ ಗುರಿಯಾದ-ಹಳೆಯ ಹಡಗು ಒಂದನ್ನು ಹೊಡೆದು ಮುಳುಗಿಸಿದೆ.

ಸಂಪೂರ್ಣ ಸ್ವದೇಶಿ ನಿರ್ಮಿತ ಜಲಾಂತರ್ಗಾಮಿ ವಿರೋಧಿ ಸ್ಟೀಲ್ತ್ ಯುದ್ಧ ನೌಕೆಗಳ ಸರಣಿಯಲ್ಲಿ ಕೊನೆಯ ಹಾಗೂ ನಾಲ್ಕನೇ ನೌಕೆಯಾದ ಐಎನ್ಎಸ್ ಕವರಟ್ಟಿ ಯನ್ನು ನಿನ್ನೆ ಗುರುವಾರ ಭಾರತೀಯ ನೌಕಾಪಡೆಗೆ ಅಧಿಕೃತವಾಗಿ ನಿಯೋಜಿಸಲಾಗಿತ್ತು. ಭಾರತೀಯ ಭೂಸೇನೆ ಮುಖ್ಯಸ್ಥ ಜನರಲ್ ಮನೋಜ್ ಮುಕುಂದ್ ನರವಣೆ ವಿಶಾಖಪಟ್ನಂನ ನೌಕಾನೆಲೆಯಲ್ಲಿ ಭಾರತೀಯ ನೌಕಾಪಡೆಗೆ ನಿಯೋಜಿಸಿದ್ದರು.

ಪ್ರಾಜೆಕ್ಟ್ 28(ಕಮೋರ್ಟಾ ಕ್ಲಾಸ್) ಅಡಿಯಲ್ಲಿ ಸ್ವದೇಶಿ ನಿರ್ಮಿತ ಕೊನೆಯ ಹಾಗೂ 4ನೇ ಜಲಾಂತರ್ಗಾಮಿ ವಿರೋಧಿ ಯುದ್ಧ(ಎಎಸ್ಡಬ್ಲ್ಯೂ) ಸ್ಟೆಲ್ತ್ ಕಾರ್ವೆಟ್ ಐಎನ್ಎಸ್ ಕವರಟ್ಟಿ ಇಂದು ಔಪಚಾರಿಕವಾಗಿ ಭಾರತೀಯ ನೌಕಾಪಡೆಗೆ ನಿಯೋಜನೆಗೊಂಡಿದೆ.

#AShM launched by #IndianNavy Missile Corvette #INSPrabal, homes on with deadly accuracy at max range, sinking target ship. #StrikeFirst #StrikeHard #StrikeSure #हरकामदेशकेनाम pic.twitter.com/1vkwzdQxQV

— SpokespersonNavy (@indiannavy) October 23, 2020