ಮಿಗ್-21 ಬೈಸನ್ ಯುದ್ಧವಿಮಾನ ಅಪಘಾತ : ಗ್ರೂಪ್ ಕ್ಯಾಪ್ಟನ್ ಕಳೆದುಕೊಂಡ ಐಎಎಫ್ | Janata news
ನವದೆಹಲಿ : ಮಧ್ಯ ಭಾರತದ ವಾಯುನೆಲೆಯಲ್ಲಿ ಯುದ್ಧ ತರಬೇತಿ ಕಾರ್ಯಾಚರಣೆಗೆ ಹೊರಟಿದ್ದ ಸಂದರ್ಭದಲ್ಲಿ ಭಾರತೀಯ ವಾಯುಪಡೆಯ(ಐಎಎಫ್) ಮಿಗ್-21 ಬೈಸನ್ ಯುದ್ಧವಿಮಾನವು ಇಂದು ಬೆಳಿಗ್ಗೆ ಭೀಕರ ಅಪಘಾತದಲ್ಲಿ ನಾಶವಾಗಿದ್ದು, ಐಎಎಫ್ನ ಗ್ರೂಪ್ ಕ್ಯಾಪ್ಟನ್ ಒಬ್ಬರು ಹುತಾತ್ಮರಾಗಿದ್ದಾರೆ.
ಮಧ್ಯ ಭಾರತದ ವಾಯುನೆಲೆಯಲ್ಲಿ ಇಂದು ಬೆಳಿಗ್ಗೆ ಯುದ್ಧ ತರಬೇತಿ ಕಾರ್ಯಾಚರಣೆಗೆ ಹಾರಾಟ ಆರಂಭಿಸಲು ಹೊರಟಾಗ, ಐಎಎಫ್ನ ಮಿಗ್-21 ಬೈಸನ್ ವಿಮಾನ ಇಂದು ಭೀಕರ ಅಪಘಾತಕ್ಕಿಡಾಗಿದೆ.
ದುರಂತ ಅಪಘಾತದಲ್ಲಿ ಐಎಎಫ್ ಗ್ರೂಪ್ ಕ್ಯಾಪ್ಟನ್ ಎ.ಗುಪ್ತಾ ಅವರನ್ನು ಕಳೆದುಕೊಂಡಿತು. ಐಎಎಫ್ ಆಳವಾದ ಸಂತಾಪ ವ್ಯಕ್ತಪಡಿಸುತ್ತದೆ ಮತ್ತು ಕುಟುಂಬ ಸದಸ್ಯರೊಂದಿಗೆ ದೃಡವಾಗಿ ನಿಲ್ಲುತ್ತದೆ. ಅಪಘಾತದ ಕಾರಣವನ್ನು ನಿರ್ಧರಿಸಲು ವಿಚಾರಣಾ ನ್ಯಾಯಾಲಯಕ್ಕೆ ಆದೇಶಿಸಲಾಗಿದೆ, ಎಂದು ಐಎಎಫ್ ಪ್ರಕಟಿಸದೆ.
ವಿವಾದಾತ್ಮಕ ಮಿಗ್-21 ಯುದ್ಧ ವಿಮಾನ ಅಪಘಾತದ ಸಂಖ್ಯೆ ಹಿಂದಿನ ಯುಪಿಎ ಸರ್ಕಾರದ ಸಮಯಗಳಲ್ಲಿ ವಿಪರೀತವಾಗಿ ಸಾಕಷ್ಟು ವಿವಾದಕ್ಕೆ ಕಾರಣವಾಗಿತ್ತು. ಇದೆ ವಿಷಯ ಆಧಾರಿತ, ಅಮೀರ್ ಖಾನ್ ನಟನೆಯ ಹಿಂದಿ ಚಲನಚಿತ್ರ ರಂಗ್ ದೇ ಬಂಸಂತಿ ಚಿತ್ರವನ್ನು ಸಹ ಈ ಸಂದರ್ಭದಲ್ಲಿ ಸ್ಮರಿಸಬಹುದು. ಆರ್.ಮಾದವನ್ ಈ ಚಿತ್ರದಲ್ಲಿ ಮಿಗ್-21 ಪೈಲಟ್ ಆಗಿ ಪಾತ್ರ ವಹಿಸಿದ್ದರು.