ಫ್ರಾನ್ಸ್ ನಿಂದ ಬಂದ 2 ಮಿರಾಜ್ ಯುದ್ಧ ವಿಮಾನ : ಭಾರತೀಯ ವಾಯುಪಡೆ ಬಲವರ್ಧನೆ | ಜನತಾ ನ್ಯೂಸ್
3240
ನವದೆಹಲಿ : ಪ್ರಧಾನಿ ಮೋದಿ ನೇತ್ರತ್ವದ ಕೇಂದ್ರ ಸರ್ಕಾರ ಭಾರತೀಯ ವಾಯುಪಡೆಯ ಬಲವರ್ಧನೆಯ ನಿಟ್ಟಿನಲ್ಲಿ ಮತ್ತೊಂದು ಹೆಜ್ಜೆಯಿಟ್ಟಿದ್ದು, 2 ಮಿರಾಜ್ 2000 ಯುದ್ಧ ವಿಮಾನಗಳು ಗುರುವಾರ ಭಾರತದ ಗ್ವಾಲಿಯರ್ ವಾಯುನೆಲೆಗೆ ಆಗಮಿಸಿದೆ.
ಫ್ರಾನ್ಸ್‌ನಿಂದ ಎರಡು ಸೆಕೆಂಡ್ ಹ್ಯಾಂಡ್ ಮಿರಾಜ್ 2000 ಯುದ್ಧ ವಿಮಾನಗಳು ಗುರುವಾರ ಭಾರತದ ಗ್ವಾಲಿಯರ್ ವಾಯುನೆಲೆಗೆ ಆಗಮಿಸಿದ್ದು , ಎಂದು ಎಏನ್ಐ ಟ್ವೀಟ್ ಮಾಡಿದೆ.
ನೆರೆರಾಷ್ಟ್ರಗಳ ಉದ್ದಟತನದಿಂದ ಗಡಿಯಲ್ಲಿ ಹೆಚ್ಚುತ್ತಿರುವ ಉದ್ವಿಗ್ನತೆಯ ಮಧ್ಯೆ, ಭಾರತೀಯ ವಾಯುಪಡೆಯ ಯುದ್ಧ ವಿಮಾನ ಬಲ ಹೆಚ್ಚಿಸುವ ನಿಟ್ಟಿನಲ್ಲಿ ಪ್ರಾಮುಖ್ಯತೆ ಪಡೆದಿದೆ.
"ಭಾರತೀಯ ವಾಯುಪಡೆಯು ಫ್ರಾನ್ಸ್‌ನಿಂದ ಎರಡು ಮಿರಾಜ್ 2000 ತರಬೇತುದಾರ ಆವೃತ್ತಿಯ ವಿಮಾನಗಳನ್ನು ಸ್ವೀಕರಿಸಿದೆ. ಎರಡು ವಿಮಾನಗಳು ತಮ್ಮ ವಾಯುಪಡೆಯೊಂದಿಗೆ ಹಾರಾಟ ನಡೆಸುತ್ತಿದ್ದವು ಮತ್ತು ಇತ್ತೀಚೆಗೆ ಗ್ವಾಲಿಯರ್ ವಾಯುನೆಲೆಗೆ ಬಂದವು" ಎನ್ನಲಾಗಿದೆ.
ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್‌ನಲ್ಲಿ ನಡೆಯುತ್ತಿರುವ ಮಿರಾಜ್ ಅಪ್‌ಗ್ರೇಡ್ ಕಾರ್ಯಕ್ರಮದ ಭಾಗವಾಗಿ ವಿಮಾನವನ್ನು ಈಗ ಇತ್ತೀಚಿನ ಗುಣಮಟ್ಟಕ್ಕೆ ಅಪ್‌ಗ್ರೇಡ್ ಮಾಡಲಾಗುವುದು ಎಂದು ಮೂಲಗಳು ತಿಳಿಸಿವೆ.
