ಅಮೇರಿಕ ವಿಮಾನಯಾನದಲ್ಲಿ ಕಚೇರಿ ಕೆಲಸ ಮಾಡುತ್ತಿರುವ ಪ್ರಧಾನಿ ಮೋದಿ : ವೈರಲ್ ಚಿತ್ರ | ಜನತಾ ನ್ಯೂಸ್

ವಾಷಿಂಗ್ಟನ್ : ನಿನ್ನೆ ತಮ್ಮ ಅಮೇರಿಕ ಪ್ರವಾಸ ಆರಂಭಿಸಿದ ಪ್ರಧಾನಿ ನರೇಂದ್ರ ಮೋದಿ ಯವರು ತಮ್ಮ ಸುದೀರ್ಘ ವಿಮಾನ ಪ್ರಯಾಣದ ಸಮಯವನ್ನು ಬಳಸಿಕೊಳ್ಳುವ ರೀತಿಯನ್ನು ಹಂಚಿಕೊಂಡಿದ್ದಾರೆ.

ಬುಧವಾರ ಸಂಜೆ, ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಅಧಿಕೃತ ಸಾಮಾಜಿಕ ಮಾಧ್ಯಮಗಳ ಮೂಲಕ, ವಾಷಿಂಗ್ಟನ್ ಡಿಸಿ ಯತ್ತ ತಮ್ಮ ವಿಮಾನಯಾನದ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಚಿತ್ರದಲ್ಲಿ, ಪ್ರಧಾನಿ ಮೋದಿಯವರು "ಏರ್ ಇಂಡಿಯಾ ಒನ್ - ಬೋಯಿಂಗ್-777" ವಿಮಾನದಲ್ಲಿ ಕುಳಿತಿರುವುದನ್ನೂ, ಅವರ ಪಕ್ಕದ ಆಸನದ ಮಧ್ಯೆ ಇಟ್ಟಿರುವ ಸಾಕಷ್ಟು ಕಡತಗಳ ಮೂಲಕ ಹೋಗುವುದನ್ನು ಕಾಣಬಹುದು.

ತಮ್ಮ ಚಿತ್ರದ ಹಂಚಿಗೆ ಶೀರ್ಷಿಕೆ ನೀಡಿರುವ ಪ್ರಧಾನಮಂತ್ರಿಯವರು "ಸುದೀರ್ಘ ಹಾರಾಟ ಎಂದರೆ ಕಾಗದ ಪತ್ರಗಳ ಮೂಲಕ ಹೋಗಲು ಮತ್ತು ಕೆಲವು ಕಡತಗಳ ಕೆಲಸಗಳಿಗೆ ಅವಕಾಶಗಳು" ಎಂದು ಬರೆದಿದ್ದಾರೆ. ದೀರ್ಘಕಾಲದವರೆಗೆ ಕೆಲಸ ಮಾಡುವ ನಾಯಕರಾಗಿ ಅವರ ಖ್ಯಾತಿಗೆ ಇನ್ನಷ್ಟು ಪುಷ್ಠಿ ದೊರತಂತಾಗಿದೆ.

ಅಮೆರಿಕಕ್ಕೆ ನಿರ್ಣಾಯಕ ಮತ್ತು ಉನ್ನತ ಮಟ್ಟದ ಅಧಿಕೃತ ಭೇಟಿಯನ್ನು ಆರಂಭಿಸಿದ ಪ್ರಧಾನಿ ಮೋದಿ, ಗುರುವಾರ ಮುಂಜಾನೆ ಸುಮಾರು 3: 30ಕ್ಕೆ ಭಾರತೀಯ ಕಾಲಮಾನಕ್ಕೆ ಅಮೆರಿಕದ ರಾಜಧಾನಿಗೆ ಬಂದಿಳಿಯಲಿದ್ದಾರೆ.