ಭಾರತೀಯ ಭಾಷೆಗಳ ಮಧ್ಯೆ ಯಾವುದೇ ಸ್ಪರ್ಧೆ ಇಲ್ಲ, ಅವು ಒಂದಕ್ಕೊಂದು ಬಲ ನೀಡುತ್ತದೆ - ಅಮಿತ್ ಷಾ | ಜನತಾ ನ್ಯೂಸ್
ನವದೆಹಲಿ : ಭಾರತೀಯ ಭಾಷೆಗಳ ಮಧ್ಯೆ ಯಾವುದೇ ಸ್ಪರ್ಧೆ ಇಲ್ಲ. ನಮ್ಮ ಎಲ್ಲಾ ಭಾರತೀಯ ಭಾಷೆಗಳು ಒಂದಕ್ಕೊಂದು ಪೂರಕವಾಗಿದೆ ಹಾಗೂ ಒಂದಕ್ಕೊಂದು ಪರಸ್ಪರ ಬಲ ನೀಡುತ್ತದೆ, ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಷಾ ಹೇಳಿದ್ದಾರೆ. ಹಿಂದಿ ದಿವಸ್ 2021 ಆಚರಣೆಗೆ ರಾಷ್ಟ್ರ ರಾಜಧಾನಿಯಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮವನ್ನು ಉದ್ದೇಶಿಸಿ ಗೃಹ ಸಚಿವರು ಮಾತನಾಡುತ್ತಿದ್ದರು.
ಹಿಂದಿಯಲ್ಲಿ ಮಾತನಾಡಲು ಹಿಂಜರಿಯುತ್ತಿದ್ದ ಸಮಯ ಕಳೆದುಹೋಗಿದೆ, ದೇಶದ ಪ್ರಧಾನಿ ನರೇಂದ್ರ ಮೋದಿ ಯವರು ಅಂತರಾಷ್ಟ್ರೀಯ ವೇದಿಕೆಗಳಲ್ಲಿ ಜೀ ಹಿಂದಿಯಲ್ಲಿ ಮಾತನಾಡುತ್ತಾರೆ. ಯಾವುದೇ ವ್ಯಕ್ತಿಯ ಮೌಲ್ಯಮಾಪನದ ಆಧಾರವು ಅವನ ಆಲೋಚನೆಗಳು, ಕಾರ್ಯಗಳು, ಬುದ್ಧಿವಂತಿಕೆ, ಶ್ರದ್ಧೆ ಮತ್ತು ನಿಷ್ಠೆಯಾಗಿರಬೇಕು, ಭಾಷೆ ಕೇವಲ ಅಭಿವ್ಯಕ್ತಿ ಮಾಧ್ಯಮವಾಗಿದೆ, ಎಂದು ಅವರು ಹೇಳಿದ್ದಾರೆ.
ನಾವು ಸಂವಿಧಾನವನ್ನು ಒಪ್ಪಿಕೊಂಡಾಗ, 14 ಸೆಪ್ಟೆಂಬರ್ 1949 ರಂದು ನಾವು ಈ ದೇಶದ "ರಾಜಭಾಷಾ" ಹಿಂದಿ ಎಂದು ಮತ್ತು "ಲಿಪಿ" ದೇವನಾಗರಿ ಎಂದು ನಿರ್ಧಾರವನ್ನು ಒಪ್ಪಿಕೊಂಡೆವು. ಬಹಳ ಸುದೀರ್ಘ ಚರ್ಚೆಯ ನಂತರ ಈ ನಿರ್ಣಯಕ್ಕೆ ಬರಲಾಗಿದೆ
ಈ ಚರ್ಚೆಯನ್ನು ಯಾರಾದರೂ ಓದಿದಲ್ಲಿ ಅವರಿಗೆ ಈ ನಿರ್ಣಯದ ಹಿಂದಿರುವ ದೂರದೃಷ್ಟಿಯ ವಿಚಾರ ತಿಳಿಯುವದು, ಎಂದಿದ್ದಾರೆ.
ನಮ್ಮ ಯಾವುದೇ ಭಾರತೀಯ ಭಾಷೆಗಳ ಮಧ್ಯೆ ಯಾವುದೇ ಸ್ಪರ್ಧೆ ಇಲ್ಲ. ನಮ್ಮ ಎಲ್ಲ ಭಾರತೀಯ ಭಾಷೆಗಳು ಒಂದಕ್ಕೊಂದು ಪೂರಕವಾಗಿದೆ ಹಾಗೂ ಪರಸ್ಪರ ಬಲ ನೀಡುತ್ತದೆ. ಈ ಕಾರಣಕ್ಕೆ ನಾವು ಹಿಂದಿ ಮತ್ತು ದೇವನಾಗರಿ ಸ್ವೀಕಾರ ಮಾಡುವುದರ ಜೊತೆಗೆ, ಸ್ಥಳೀಯ ಭಾಷೆಯ ಎಲ್ಲಾ ಸ್ಥಳೀಯ ಭಾಷೆಗಳನ್ನು ಕೂಡ ಸ್ವೀಕರಿಸಿದ್ದೇವೆ, ಎಂದು ಗೃಹ ಸಚಿವರು ತಿಳಿಸಿದ್ದಾರೆ.
ಈಗ ನೋಡುತ್ತಿದ್ದೇವೆ ದೂರ ದೂರದ ಪ್ರದೇಶದಿಂದ ಸಂಸದರು ಬರುತ್ತಾರೆ ಮತ್ತು ತಮ್ಮ ಸ್ವಂತ ಭಾಷೆಯಲ್ಲಿ ನಿಶ್ಚಿಂತವಾಗಿ ತಮ್ಮ ನಿರ್ಧಾರವನ್ನು ಮಂಡಿಸುತ್ತಾರೆ. ಅವರ ಸಂಪೂರ್ಣ ಭಾಷಾನುವಾದ ಹಾಗೂ ಭಾವಾನುವಾದದ ಸಂಪೂರ್ಣ ವ್ಯವಸ್ಥೆಯನ್ನು ಮಾಡಲಾಗಿದೆ. ಅವರ ಹಿಂದಿಯಲ್ಲಿ ಮಾತಾಡಬಹುದು ಅವರ ಭಾಷೆಯಲ್ಲಿ ಮಾತನಾಡಬಹುದು. ನನಗೆ ಖುಷಿಯಿದೆ ಅವರು ತಮ್ಮ ಕ್ಷೇತ್ರದ ಅಭಿವೃದ್ಧಿಗಾಗಿ ತಮ್ಮ ರಾಜ್ಯದ ಅಭಿವೃದ್ಧಿಗಾಗಿ ಅವರ ತೊಂದರೆಗಳನ್ನು ಅವರ ದೃಷ್ಟಿಕೋನವನ್ನು ಅವರ ಭಾಷೆಯಲ್ಲಿ ಹೇಳುತ್ತಾರೆ ಹಿಂದಿ ಭಾಷೆಯಲ್ಲಿ ಹೇಳುತ್ತಾರೆ. ಮತ್ತು 2014ರಿಂದ ಒಂದು ಗುಣಾತ್ಮಕ ಬೆಳವಣಿಗೆಯನ್ನು ನೀವು ನೋಡಿರಬಹುದು ಭಾರತೀಯ ಭಾಷೆಯಲ್ಲಿ ಮಾತನಾಡುವ ಸಂಸದರ ಸಂಖ್ಯೆ ಗಣನೀಯವಾಗಿ ಹೆಚ್ಚಾಗಿದೆ. ಇದಕ್ಕಾಗಿ ನನಗೆ ಅತೀವ ಸಂತೋಷ ಇದೆ, ಎಂದು ಅಮಿತ್ ಷಾ ಹರ್ಷ ವ್ಯಕ್ತಪಡಿಸಿದ್ದಾರೆ.