ಪಕ್ಕದ ಸೀಟಿನಲ್ಲಿದ್ದ ಯುವತಿಗೆ ಚುಂಬಿಸಿದ ಯುವಕ, ಯುವತಿ ಮಾಡಿದ್ದೇನು ಗೊತ್ತಾ? | ಜನತಾ ನ್ಯೂಸ್
ಬೆಂಗಳೂರು : ಅಪರಿಚಿತ ಯುವಕನೋರ್ವ ಯುವತಿಗೆ ಕಿಸ್ ಕೊಟ್ಟು ಪರಾರಿಯಾದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ಗಣೇಶ ಹಬ್ಬ ಮುಗಿಸಿ ಯುವತಿ ಕೆಎಸ್ಆರ್ಟಿಸಿ ಸ್ಲೀಪರ್ ಎಸಿ ಬಸ್ನಲ್ಲಿ ಬೆಂಗಳೂರಿಗೆ ಬರುತ್ತಿದ್ದಳು. ಈ ವೇಳೆ ಆಕೆಯ ಪಕ್ಕದ ಸೀಟ್ನಲ್ಲೇ ಕುಳಿತು ತೆಲುಗು ಸಿನಿಮಾ ನೋಡುತ್ತಿದ್ದ ಯುವಕ ಆಕೆಗೆ ಮುತ್ತಿಟ್ಟು ಬಸ್ನಿಂದ ಇಳಿದು ಹೋಗಿದ್ದಾನೆ.
9 ರಿಂದ 25 ವರ್ಷದ ಯುವಕನೋರ್ವ ಅದೇ ಬಸ್ ಹತ್ತಿದ್ದ. ಬಸ್ ಹತ್ತಿದ ಬಳಿಕ ಯುವತಿಯನ್ನೇ ಯುವಕ ದುರಗುಟ್ಟಿಕೊಂಡು ನೋಡ್ತಿದ್ದ ಎನ್ನಲಾಗಿದೆ. ಈ ವೇಳೆ ಬಸ್ನಲ್ಲಿ ಯುವತಿ ನಿದ್ದೆಗೆ ಜಾರಿದ್ದಾಳೆ. ಬೆಂಗಳೂರಿನತ್ತ ಬರ್ತಿದ್ದ ಬಸ್ ಪೀಣ್ಯಾ ಬಸ್ ನಿಲ್ದಾಣಕ್ಕೆ ಬರ್ತಿದ್ದಂತೆಯೇ ಕಾಮುಕ ಮಲಗಿದ್ದ ಯುವತಿಗೆ ಕಿಸ್ ಮಾಡಿದ್ದಾನೆ.
ಘಟನೆಯಿಂದ ನೊಂದ ಯುವತಿ ಪೀಣ್ಯ ಪೊಲೀಸ್ ಠಾಣೆಗೆ ದೂರು ನೀಡಿದ್ದು ಪೊಲೀಸರು ಆರೋಪಿಯ ವಿರುದ್ಧ ಐಪಿಸಿ ಸೆಕ್ಷನ್ 354A, 354ರಡಿ ಪ್ರಕರಣ ದಾಖಲಿಸಿದ್ದಾರೆ. ಸದ್ಯ ಆರೋಪಿಗಾಗಿ ಪೊಲೀಸರು ತೀವ್ರ ಹುಡುಕಾಟ ನಡೆಸಿದ್ದಾರೆ.