ಅಫ್ಘಾನಿಸ್ತಾನದ ಗಡಿ ಪ್ರವೇಶಿಸಿದ ಟ್ರಕ್ ಗಳ ಪಾಕಿಸ್ತಾನದ ಬಾವುಟ ಕಿತ್ತು ಹರಿದ ತಾಲಿಬಾನಿಗಳು | ಜನತಾ ನ್ಯೂಸ್

ಕಾಬೂಲ್ : ಅಫ್ಘಾನಿಸ್ತಾನದ ಗಡಿ ತಲುಪಿದ ಪಾಕಿಸ್ತಾನದ ಟ್ರಕ್ ಗಳಲ್ಲಿ ಹರಡುತ್ತಿದ್ದ ಪಾಕ್ ಬಾವುಟಗಳನ್ನು ತಾಲಿಬಾನಿಗಳು ನಿರ್ದಾಕ್ಷಿಣ್ಯವಾಗಿ ಕಿತ್ತು ಹರಿದು ಹಾಕುತ್ತಿರುವ ದೃಶ್ಯಗಳಿರುವ ವೀಡಿಯೊ ಈಗ ವೈರಲ್ ಆಗಿದೆ.

ಅಫ್ಘಾನಿಸ್ತಾನದಲ್ಲಿ ತಲೆ ಎತ್ತಿರುವ ತಾಲಿಬಾನ್ ಆಡಳಿತಕ್ಕೆ ಮಾನವೀಯತೇ ಎಂಬ ಹೆಸರಿನಲ್ಲಿ ಸಹಾಯ ಹಸ್ಪಾತ ಚಾಚಲು ಮುಂದಾದ ಪಾಕಿಸ್ತಾನಕ್ಕೆ ಇದರಿಂದ ಭಾರಿ ಎಚ್ಚರಿಕೆ ಘಂಟೆ ದೊರತಂತೆ ಆಗಿದೆ.

ಮಾನವೀಯತೇ ಹಣೆಪಟ್ಟಿಯೊಂದಿಗೆ ಪಾಕಿಸ್ತಾನದಿಂದ ಅಫ್ಘಾನಿಸ್ತಾನಕ್ಕೆ ಪ್ರವೇಶಿಸಿದ ಎಲ್ಲಾ ಸ್ನೇಹ ಪೂರ್ವಕ ಸಹಾಯ ಹಸ್ತದ ಟ್ರಕ್ ಗಳಲ್ಲಿ ರಾರಾಜಿಸುತ್ತಿದ್ದ ಪಾಕಿಸ್ತಾನದ ಧ್ವಜವನ್ನು ತಾಲಿಬಾನ್ ಗಡಿ ಪ್ರವೇಶಿಸುತ್ತಿದ್ದಂತೆ ಬಲವಂತವಾಗಿ ಕಿತ್ತು ಹರಿದು ಹಾಕಲಾಗಿದೆ.

ಈ ದೃಶ್ಯವು ಪಾಕಿಸ್ತಾನ ಹಾಗೂ ತಾಲಿಬಾನ್ ಸಹೋದರತ್ವದ ವಾಸ್ತವತೆಯನ್ನು ಜಗಜ್ಜಾಹೀರು ಗೊಳಿಸುವಂತಿದೆ. ಸಾಮಾಜಿಕ ಮಧ್ಯಮಗಳಲ್ಲಿ ವೈರಲ್ ಆದ ಈ ವೀಡಿಯೊದೊಂದಿಗೆ, ತಾಲಿಬಾನ್ ಶೀಘ್ರದಲ್ಲೇ ಬರಲಿದೆ - ರಾವಲ್ಪಿಂಡಿಯಲ್ಲಿ ನಿಮ್ಮ ಹತ್ತಿರದ ಮನೆಯಲ್ಲಿ, ಎಂಬ ಪಾಕ್ ಗೆ ಎಚ್ಚರಿಕೆ ಸಂದೇಶದ ಶೀರ್ಷಿಕೆ ಸಾಮಾನ್ಯವಾಗಿದೆ.