ತೋಟದಲ್ಲಿ ಕೆಲಸಕ್ಕಿದ್ದ ಮಹಿಳೆ ಮೇಲೆ ಮಗನ ಕಣ್ಣೆದುರಲ್ಲೇ ಮಾಲೀಕನಿಂದಲೇ ಅತ್ಯಾಚಾರ! | ಜನತಾ ನ್ಯೂಸ್
ಬೆಳಗಾವಿ : ತೋಟದಲ್ಲಿ ಕೆಲಸಕ್ಕಿದ್ದ ಮಹಿಳೆ ಮೇಲೆ ಮಾಲೀಕ ಅತ್ಯಾಚಾರ ಎಸಗಿರುವ ಹೀನ ಕೃತ್ಯ ಬೆಳಗಾವಿ ಜಿಲ್ಲೆಯ ಗೋಕಾಕ್ನಲ್ಲಿ ನಡೆದಿದೆ.
ಕಳೆದ ಹಲವು ವರ್ಷಗಳಿಂದ ಸಂತ್ರಸ್ತೆ ಹಾಗೂ ಆಕೆಯ ಪತಿ ಆರೋಪಿ ತೋಟದಲ್ಲಿ ಕೂಲಿ ಕೆಲಸ ಮಾಡುತ್ತಿದ್ದರು. ಕೆಲಸ ಮಾಡುತ್ತಿದ್ದ ಕುಟುಂಬ ಆರೋಪಿ ಮನೆ ಎದುರಿನ ಶೆಡ್ನಲ್ಲಿ ವಾಸವಿತ್ತು. ಪತಿ ಹೊರಗೆ ಹೋದಾಗ ಶೆಡ್ಗೆ ನುಗ್ಗಿದ ಜಮೀನು ಮಾಲೀಕ, ತನ್ನ ಸಹಚರನನ್ನು ಶೆಡ್ನ ಕಾವಲಿಗಿರಿಸಿ ಮಹಿಳೆ ಮೇಲೆ ಅತ್ಯಾಚಾರ ಎಸಗಿದ್ದಾನೆ.
ಇದನ್ನು ತಡೆಯಲು ಬಂದ ಮಹಿಳೆಯ 5 ವರ್ಷದ ಮಗನನ್ನೂ ತಳ್ಳಿದ ಜಮೀನು ಮಾಲೀಕ ಕೃತ್ಯ ವೆಸಗಿದ್ದಾನೆ ಎನ್ನಲಾಗಿದೆ. ಯಾರಿಗಾದರೂ ವಿಷಯ ತಿಳಿಸಿದರೆ ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ.
ಸಂತ್ರಸ್ತೆ ಗೋಕಾಕ್ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾಳೆ. ಘಟನೆ ಬಳಿಕ ಜಮೀನು ಮಾಲೀಕ ಹಾಗೂ ಸಹಚರ ಪರಾರಿಯಾಗಿದ್ದಾರೆ.