ಮಳೆ ಹಾಗೂ ಶೇಖರಣೆಗೆ ರಾಜ್ಯಗಳ ನಿರಾಕರಣೆ ಕಲ್ಲಿದ್ದಲು ಅಭಾವಕ್ಕೆ ಕಾರಣ - ಕೇಂದ್ರ ಸಚಿವ ಜೋಷಿ | ಜನತಾ ನ್ಯೂಸ್

ನವದೆಹಲಿ : ಮಳೆಯಿಂದಾಗಿ, ಕಲ್ಲಿದ್ದಲು ಕೊರತೆ ಉಂಟಾಗಿದ್ದು, ಅಂತಾರಾಷ್ಟ್ರೀಯ ಬೆಲೆಯಲ್ಲಿ ಪ್ರತಿ ಟನ್‌ಗೆ ರೂ.60 ನಿಂದ ರೂ.190/- ಹೆಚ್ಚಳವಾಗಿದೆ - ತರುವಾಯ, ಆಮದು ಮಾಡಿದ ಕಲ್ಲಿದ್ದಲು ವಿದ್ಯುತ್ ಸ್ಥಾವರಗಳನ್ನು 15-20 ದಿನಗಳವರೆಗೆ ಮುಚ್ಚಲಾಗಿದೆ ಅಥವಾ ಕಡಿಮೆ ಉತ್ಪಾದಿಸಲಾಗಿದೆ. ಇದು ದೇಶೀಯ ಕಲ್ಲಿದ್ದಲಿನ ಮೇಲೆ ಒತ್ತಡ ಹೇರಿದಂತಾಗಿದೆ, ಎಂದು ಕೇಂದ್ರ ಕಲ್ಲಿದ್ದಲು ಸಚಿವ ಪ್ರಲ್ಹಾದ್ ಜೋಶಿ ಹೇಳಿದ್ದಾರೆ.

ನಿನ್ನೆ ನಾವು 1.94 ಮಿಲಿಯನ್ ಟನ್‌ಗಳಷ್ಟು ಕಲ್ಲಿದ್ದಲುಗಳನ್ನು ಪೂರೈಸಿದ್ದೇವೆ, ಇದು ದೇಶೀಯ ಕಲ್ಲಿದ್ದಲಿನ ಪೂರೈಕೆಗಳಲ್ಲಿಯೇ ಅತ್ಯಧಿಕ ಪೂರೈಕೆಯಾಗಿದೆ. ರಾಜ್ಯಗಳಿಗೆ ಸಂಬಂಧಿಸಿದಂತೆ, ಈ ವರ್ಷ ಜೂನ್ ವರೆಗೆ ನಾವು ಶೇಖರಣೆಯನ್ನು ಹೆಚ್ಚಿಸಲು ವಿನಂತಿಸಿದ್ದೆವು. ಆದರೆ, ಅವರಲ್ಲಿ ಕೆಲವರು "ದಯವಿಟ್ಟು ಸಹಾಯ ಮಾಡಿ, ಸದ್ಯಕ್ಕೆ ಕಲ್ಲಿದ್ದಲನ್ನು ಕಳುಹಿಸಬೇಡಿ", ಎಂದು ಹೇಳುವ ಮಟ್ಟಿಗೆ ಬಂದರು, ಎಂದು ಸಚಿವ ಪ್ರಲ್ಹಾದ್ ಜೋಶಿ ರಾಜ್ಯ ಸರ್ಕಾರಗಳ ಮೇಲೆ ಆರೋಪ ಹೊರಿಸಿದ್ದಾರೆ.

ನಾವು ನಮ್ಮ ಪೂರೈಕೆಯನ್ನು ಮುಂದುವರಿಸಿದ್ದೇವೆ, ಹಿಂದೆ ಬಾಕಿ ಇದ್ದರೂ ಸಹ ಮುಂದುವರಿಸಿದ್ದೇವೆ. ಶೇಖರಣೆ ಹೆಚ್ಚಿಸಲು ನಾವು ಅವರಿಗೆ(ರಾಜ್ಯಗಳು) ವಿನಂತಿಸುತ್ತಿದ್ದೇವೆ ... ಇದರಿಂದ ಕಲ್ಲಿದ್ದಲು ಕೊರತೆ ಇರುವುದಿಲ್ಲ, ಎಂದು ಸಚಿವ ಪ್ರಲ್ಹಾದ್ ಜೋಶಿ ಅವರು ಹೇಳಿದ್ದಾರೆ.

ಏತನ್ಮಧ್ಯೆ, ವಿದ್ಯುತ್ ಬಿಕ್ಕಟ್ಟನ್ನು ಉದ್ದೇಶಪೂರ್ವಕವಾಗಿ ರಚಿಸಲಾಗಿದೆ ಎಂದು ತೋರುತ್ತದೆ ಎಂದು ದೆಹಲಿ ಆಪ್ ಸರ್ಕಾರದ ವಿದ್ಯುತ್ ಸಚಿವ ಸತ್ಯೇಂದ್ರ ಜೈನ್ ಕೇಂದ್ರ ಸರ್ಕಾರವನ್ನು ದೂಷಿಸಿದ್ದಾರೆ.

ಆದರೆ, ರಾಜ್ಯ ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ಅವರು, ರಾಜ್ಯ ಬಿಜೆಪಿ ಸರ್ಕಾರ ವಿದ್ಯುತ್ ಉತ್ಪಾದಕಾ ಘಟಕಗಳನ್ನು ಖಾಸಗಿಯವರಿಗೆ ನೀಡುವ ಉದ್ದೇಶದಿಂದ ಕಲ್ಲಿದ್ದಲಿನ ಕೃತಕ ಅಭಾವ ಸೃಷ್ಟಿ ಮಾಡಿದ್ದರೆ ಅದಕ್ಕೆ ನನ್ನ ವಿರೋಧವಿದೆ, ಎಂದು ರಾಜ್ಯ ಸರ್ಕಾರವನ್ನು ಆರೋಪಿಸಿದ್ದಾರೆ.