ಜಮ್ಮು ಕಾಶ್ಮೀರ : ಭದ್ರತಾ ಪಡೆಗೆ ಭಾರಿ ಯಶಸ್ಸು, 2 ಉನ್ನತ ಕಮ್ಯಾಂಡರ್ ಸೇರಿ 5 ಉಗ್ರರು ತಟಸ್ಥ | ಜನತಾ ನ್ಯೂಸ್
ಶ್ರೀನಗರ : ಕಾಶ್ಮೀರ ವಲಯ ಪೊಲೀಸರಿಗೆ ದೊರೆತ ಭಾರಿ ಯಶಸ್ಸು ದೊರತಿದ್ದು, ಜಮ್ಮು ಮತ್ತು ಕಾಶ್ಮೀರದಲ್ಲಿ 2018ರಿಂದ ಸಕ್ರಿಯವಾಗಿದ್ದ ಉನ್ನತ ಭಯೋತ್ಪಾದಕ ಮತ್ತು ಎಚ್ಎಂ ಜಿಲ್ಲಾ ಕಮಾಂಡರ್ ಶಾಕಿರ್ ನಜರ್ ಸೇರಿದಂತೆ ಇತರ ಇನ್ನಿಬ್ಬರು ಭಯೋತ್ಪಾದಕರು ಕೊಲ್ಲಲ್ಪಟ್ಟಿದ್ದಾರೆ.
ಜಮ್ಮು ಮತ್ತು ಕಾಶ್ಮೀರದಲ್ಲಿ ನಿನ್ನೆ ರಾತ್ರಿ ಕುಲ್ಗಾಮ್ನ ಪೊಂಬೈ ಪ್ರದೇಶದಲ್ಲಿ ಭದ್ರತಾ ಪಡೆಗಳು ಮತ್ತು ಭಯೋತ್ಪಾದಕರ ನಡುವೆ ಎನ್ಕೌಂಟರ್ ಆರಂಭಗೊಂಡಿದ್ದು, ಎನ್ಕೌಂಟರ್ನಲ್ಲಿ ಮೂವರು ಉಗ್ರರು ಹತರಾಗಿದ್ದಾರೆ ಎಂದು ಕಾಶ್ಮೀರ ವಲಯ ಪೊಲೀಸರು ತಿಳಿಸಿದ್ದಾರೆ.
ಕಾಶ್ಮೀರದ ಐಜಿಪಿ ವಿಜಯ್ ಕುಮಾರ್ ಈ ಕುರಿತು ತಿಳಿಸಿದ್ದು, 2018ರಿಂದ ಸಕ್ರಿಯವಾಗಿದ್ದ ಉನ್ನತ ಭಯೋತ್ಪಾದಕ ಮತ್ತು ಎಚ್ಎಂ ಜಿಲ್ಲಾ ಕಮಾಂಡರ್ ಶಾಕಿರ್ ನಜರ್ ಇತರ ಇಬ್ಬರು ಭಯೋತ್ಪಾದಕರೊಂದಿಗೆ ಕೊಲ್ಲಲ್ಪಟ್ಟರು. ದೊಡ್ಡ ಯಶಸ್ಸು, ಎಂದು ಎಏನ್ಐ ಪ್ರಕಟಿಸಿದೆ.
ದಕ್ಷಿಣ ಕಾಶ್ಮೀರದ ಕುಲ್ಗಾಮ್ನ ಗೋಪಾಲ್ಪೋರಾದಲ್ಲಿ ನಡೆದ ಎನ್ಕೌಂಟರ್ನಲ್ಲಿ ಇಬ್ಬರು ಭಯೋತ್ಪಾದಕರು ಹತರಾಗಿದ್ದಾರೆ. ಅವರಿಬ್ಬರೂ ದಿ ರೆಸಿಸ್ಟೆನ್ಸ್ ಫ್ರಂಟ್(ಟಿಆರ್ಎಫ್) ಗೆ ಸೇರಿದ್ದರು, ಅವರಲ್ಲಿ ಒಬ್ಬರಾದ ಸಿಕಂದರ್ ಲೋನ್ ಕುಲ್ಗಾಮ್ನ ಜಿಲ್ಲಾ ಕಮಾಂಡರ್ ಆಗಿದ್ದನು. ಎನ್ಕೌಂಟರ್ ಮುಗಿದಿದೆ, ಐಜಿಪಿ ವಿಜಯ್ ಕುಮಾರ್ ತಿಳಿಸಿದ್ದಾರೆ.