ಆತಂಕದಲ್ಲಿ ವಿಶ್ವ : ಯುದ್ಧ ಆರಂಭ - ಮಿಲಿಟರಿ ಕಾರ್ಯಾಚರಣೆಗೆ ಪುಟಿನ್ ಆದೇಶ | ಜನತಾ ನ್ಯೂಸ್
ಮಾಸ್ಕೋ : ಕೆಲವು ದಿನಗಳಿಂದ ನಿರೀಕ್ಷೆಯಲ್ಲಿದ್ದ ಮಹಾಯುದ್ಧ ಇಂದು ಬಹುತೇಕ ಆರಂಭಗೊಂಡಂತೆ ಆಗಿದೆ. ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಇಂದು, ಗುರುವಾರ ಮುಂಜಾನೆ ಉಕ್ರೇನ್ನಲ್ಲಿ "ಮಿಲಿಟರಿ ಕಾರ್ಯಾಚರಣೆ" ಯನ್ನು ಘೋಷಿಸಿದ್ದಾರೆ.
ಪಾಶ್ಚಿಮಾತ್ಯ ರಾಷ್ಟ್ರಗಳ ಆಕ್ರೋಶ ಮತ್ತು ಯುದ್ಧವನ್ನು ಪ್ರಾರಂಭಿಸದಂತೆ ಜಾಗತಿಕ ಮನವಿಗಳನ್ನು ಧಿಕ್ಕರಿಸಿ, ಮಿಲಿಟರಿ ಕಾರ್ಯಾಚರಣೆ ಆರಂಭಿಸಿರುವ ಪುಟಿನ್ ಅವರು, ತಮ್ಮ ಶಸ್ತ್ರಾಸ್ತ್ರಗಳನ್ನು ತ್ಯಜಿಸಲು ಉಕ್ರೇನ್ ಸೈನಿಕರಿಗೆ ಕರೆ ನೀಡಿದರು.
ಪುಟಿನ್ ತಮ್ಮ ಉದ್ದೇಶಗಳನ್ನು ಘೋಷಿಸಲು ದೂರದರ್ಶನದಲ್ಲಿ ಆಶ್ಚರ್ಯಕರ ಹೇಳಿಕೆಯನ್ನು ನೀಡಿದರು. "ನಾನು ಮಿಲಿಟರಿ ಕಾರ್ಯಾಚರಣೆಯ ನಿರ್ಧಾರವನ್ನು ಮಾಡಿದ್ದೇನೆ" ಎಂದು ಅವರು ಮಾಸ್ಕೋದಲ್ಲಿ ಬೆಳಿಗ್ಗೆ 6:00(ರಷ್ಯಾ ಕಾಲಮಾನ) ಮೊದಲು ಹೇಳಿದರು, ಅವರು ಉಕ್ರೇನ್ ಮಿಲಿಟರಿಗೆ ಶಸ್ತ್ರಾಸ್ತ್ರಗಳನ್ನು ತ್ಯಜಿಸಲು ಕರೆ ನೀಡಿದ್ದಾರೆ.
ತಮ್ಮ ಭಾಷಣದಲ್ಲಿ ಅವರು ಮಧ್ಯಪ್ರವೇಶಿಸುವ ಯಾರಿಗಾದರೂ ಪ್ರತೀಕಾರದ ಪ್ರತಿಜ್ಞೆ ಮಾಡಿದ್ದಾರೆ. ಇದು, ಅಮೇರಿಕ ಸೇರಿದಂತೆ ವಿಶ್ವದ ಶಕ್ತಿಶಾಲಿ ದೇಶಗಳು, ಉಕ್ರೇನ್ ವಿರುದ್ಧದ ರಷ್ಯಾ ಮಿಲಿಟರಿ ಕಾರ್ಯಾಚರಣೆಯಲ್ಲಿ ಮಧ್ಯೆ ಪ್ರವೇಶಿಸುವ ಮುಂಚೆ ಮತ್ತೊಮ್ಮೆ ಯೋಚಿಸುವಂತೆ ಮಾಡಿರುವುದಂತು ನಿಜ.