ಟೆಕ್ಸಾಸ್ ಪ್ರಾಥಮಿಕ ಶಾಲೆಯಲ್ಲಿ ಗುಂಡಿನ ದಾಳಿ : 19 ಮಕ್ಕಳು ಮತ್ತು 2 ವಯಸ್ಕರ ಸಾವು | JANATA NEWS
2165
ಟೆಕ್ಸಾಸ್ : ಟೆಕ್ಸಾಸ್‌ನ ಪ್ರಾಥಮಿಕ ಶಾಲೆಯೊಂದರಲ್ಲಿ ಬಂದೂಕುಧಾರಿಯೊಬ್ಬ ಗುಂಡಿನ ದಾಳಿ ನಡೆಸಿದ್ದರಿಂದ ಕನಿಷ್ಠ 19 ಮಕ್ಕಳು ಮತ್ತು ಇಬ್ಬರು ವಯಸ್ಕರು ಸಾವನ್ನಪ್ಪಿದ್ದಾರೆ ಎಂದು ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ. ಕಾನೂನು ಜಾರಿ ಅಧಿಕಾರಿಗಳು ಸ್ಥಳದಲ್ಲೇ ಶೂಟರ್ ಅನ್ನು ಕೊಂದಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಟೆಕ್ಸಾಸ್ ಪ್ರಾಥಮಿಕ ಶಾಲೆಯಲ್ಲಿ ಹಲವಾರು ಮಕ್ಕಳು ಮತ್ತು ಇಬ್ಬರು ವಯಸ್ಕರು ಸೇರಿದಂತೆ ಕನಿಷ್ಠ 21 ಜನರನ್ನು ಗುಂಡಿಕ್ಕಿ ಕೊಂದ 18 ವರ್ಷದ ಬಂದೂಕುಧಾರಿ ಸಾಲ್ವಡಾರ್ ರಾಮೋಸ್, ಹತ್ಯಾಕಾಂಡದ ಮೊದಲು ಇನ್ಸ್ಟಾಗ್ರಾಂ ನಲ್ಲಿ 2 ಆಕ್ರಮಣಕಾರಿ ರೈಫಲ್‌ಗಳ ಚಿತ್ರವನ್ನು ಪೋಸ್ಟ್ ಮಾಡಿದ್ದ.
ಸ್ಥಳೀಯ ಸಮಯ ಸುಮಾರು 11:32 ಕ್ಕೆ, ತನ್ನ ಅಜ್ಜಿಯನ್ನು ಗುಂಡು ಹಾರಿಸಿದ ಕೊಂದ ನಂತರ ಮತ್ತು ಅವನ ವಾಹನವನ್ನು ಶಾಲೆಯ ಬಳಿ ಅಪಘಾತಕ್ಕೊಳಪಡಿಸಿದ ನಂತರ, ಶಾಲೆಗೆ ಪ್ರವೇಶಿಸಿದ ಹಂತಕ ನಂತರ, "ಮಕ್ಕಳು, ಶಿಕ್ಷಕರು, ಅವನ ದಾರಿಯಲ್ಲಿ ಯಾರೇ ಬಂದರೂ" ಗುಂಡು ಹಾರಿಸಿದ್ದಾನೆ. ಶಾಲೆಯು 2, 3 ಮತ್ತು 4 ನೇ ತರಗತಿ ವಿದ್ಯಾರ್ಥಿಗಳಿಗೆ ಶಿಕ್ಷಣ ಕಲಿಸುತ್ತದೆ, ಎನ್ನಲಾಗಿದೆ.
