ರಾಜ ವಂಶಸ್ಥರ ಜತೆ ಉಪಾಹಾರ ಸೇವಿಸಿದ ಪ್ರಧಾನಿ ಮೋದಿ, ಫೋಟೋ ನೋಡಿ | JANATA NEWS

ಮೈಸೂರು : 8ನೇ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆಯಲ್ಲಿ ಭಾಗಿಯಾಗಿದ್ದ ಪ್ರಧಾನಿ ಮೋದಿ ಅವರು, ಆ ಬಳಿಕ ಮೈಸೂರು ರಾಜಮನೆತನ ಸದಸ್ಯರೊಂದಿಗೆ ಉಪಹಾರ ಸೇವನೆ ಮಾಡಿದ್ದರು.

ರಾಜಮಾತೆ ಪ್ರಮೋದಾ, ಮಹಾರಾಜ ಯದುವೀರ್ ಪ್ರಧಾನಿಗಳನ್ನು ಸ್ವಾಗತಿಸಿದರು. ಮೋದಿ ಅವರಿಗೆ ದಕ್ಷಿಣ ಭಾರತ ಶೈಲಿಯ ತರೇಹವಾರಿ ತಿಂಡಿಗಳನ್ನು ಬಳ್ಳಿ ತಟ್ಟೆಯಲ್ಲಿ ಬಡಿಸಲಾಯಿತು. ಉಪಹಾರದ ಮೆನುನಲ್ಲಿ ಇಡ್ಲಿ, ಸಾಂಬಾರ್​, ಬ್ರೆಡ್​ ಬಟರ್​, ಅವಲಕ್ಕಿ, ಮಿಕ್ಸ್​ ಫ್ರೂಟ್ಸ್​ , ಉಪ್ಪಿಟ್ಟು ಹಾಗೂ ಮೈಸೂರಿನ ವಿಶೇಷ ಸಿಹಿತಿಂಡಿ ಮೈಸೂರು ಪಾಕ್​ ಅನ್ನು ಕೂಡ ತಯಾರಿಸಲಾಗಿತ್ತು.

ಅರಮನೆ ಆವರಣದಲ್ಲಿ ವಿಶ್ವ ಯೋಗ ದಿನಾಚರಣೆಯಲ್ಲಿ ಪಾಲ್ಗೊಂಡು ಸತತ 45 ನಿಮಿಷ ಕಾಲ ಸಾವಿರಾರು ಯೋಗಪಟುಗಳ ಜತೆ ಯೋಗ ಪ್ರದರ್ಶನ ನಡೆಸಿದ ಪ್ರಧಾನಿ ನರೇಂದ್ರ ಮೋದಿ, ನಂತರ ಡಿಜಿಟಲ್​ ಯೋಗ ಕೇಂದ್ರವನ್ನು ಉದ್ಘಾಟಿಸಿದರು. ಬಳಿಕ ಅಂಬಾವಿಲಾಸ ಅರಮನೆಗೆ ತೆರಳಿದ ಮೋದಿ ಅವರು ರಾಜಮನೆತನದ ಆತಿಥ್ಯ ಸ್ವೀಕರಿಸಿದರು.