ಪ್ರವಾಸಕ್ಕೆ ಹೋಗಿದ್ದ ಪತ್ನಿ, ಮನೆಯೊಳಗೆ ರಕ್ತದ ಮಡುವಿನಲ್ಲಿ ಪತ್ತೆಯಾಯ್ತು ಪತಿ ಶವ! | JANATA NEWS
2476
ಚಾಮರಾಜನಗರ : ಪತ್ನಿ ಪ್ರವಾಸಕ್ಕೆ ತೆರಳಿದ್ದ ಸಂದರ್ಭದಲ್ಲಿ ಪತಿಯನ್ನು ಮಾರಕಾಸ್ತ್ರದಿಂದ ಕೊಚ್ಚಿ ಕೊಲೆ ಮಾಡಿರುವ ಘಟನೆಯೊಂದು ತಾಲ್ಲೂಕಿನ ಮದುವನಹಳ್ಳಿ ಗ್ರಾಮದಲ್ಲಿ ನಡೆದಿದೆ.
ಗ್ರಾಮದಲ್ಲಿ ಚಿಲ್ಲರೆ ಅಂಗಡಿ ಇಟ್ಟುಕೊಂಡಿದ್ದ ಮಹದೇವಸ್ವಾಮಿ(45) ಮೃತ. ಮೃತನ ಪುತ್ರಿ ಸ್ನೇಹ ಕಾಲೇಜಿನಿಂದ ಬಂದು ಮನೆಯ ಬಾಗಿಲನ್ನು ತಳ್ಳಿ ನೋಡಿದಾಗ ತಂದೆ ರಕ್ತದ ಮಡುವಿನಲ್ಲಿ ಸತ್ತು ಬಿದ್ದಿರುವುದನ್ನು ಕಂಡು ಗ್ರಾಮಾಂತರ ಪೋಲೀಸ್ ರಾಣಿಗೆ ದೂರು ನೀಡಿದ್ದಾರೆ.
ಮಹದೇವಸ್ವಾಮಿ ಅವರ ಪತ್ನಿ ಮಂಜುಳಾ ಆರೇಳು ದಿನಗಳ ಹಿಂದೆ ಮಹಿಳಾ ಸಂಘದವರೊಂದಿಗೆ ಪ್ರವಾಸ ಹೋಗಿದ್ದಳು. 12 ವರ್ಷದ ಮಗ ಅಂಗವಿಕಲರ ವಸತಿ ಶಾಲೆಯಲ್ಲಿದ್ದಾನೆ. 17 ವರ್ಷದ ಮಗಳು ಮತ್ತು ತಂದೆ ಮಹದೇವಸ್ವಾಮಿ ಮನೆಯಲ್ಲಿದ್ದರು.
ಮಗಳು ಬುಧವಾರ ಕಾಲೇಜು ಮುಗಿಸಿ ಸಂಜೆ 5.30ರ ಸಮಯದಲ್ಲಿ ಮನೆಗೆ ಬಂದಿದ್ದಾಳೆ. ಅಂಗಡಿಯಲ್ಲಿ ತನ್ನ ಅಪ್ಪ ಇಲ್ಲದ್ದನ್ನು ಕಂಡು ಫೋನ್ ಮಾಡಿದಾಗ ಮನೆಯೊಳಗೆ ರಿಂಗ್ ಆಗಿದೆ. ಮಳೆಯೊಳಗೆ ಹೋದಾಗ ರಸ್ತದ ಮಡುವಲ್ಲಿ ತಂದೆ ಶವವಾಗಿ ಬಿದ್ದಿರುವುದನ್ನು ಕಂಡು ಬೆಚ್ಚಿಬಿದ್ದಿದ್ದಾಳೆ.
