ನಾನು ಹೆಮ್ಮೆಯ ಕ್ರಿಶ್ಚಿಯನ್, ನನ್ನ ಪತ್ನಿ ಕ್ರಿಶ್ಚಿಯನ್ - ತಮಿಳುನಾಡು ಸಿಎಂ ಅವರ ಪುತ್ರ ಉದಯನಿಧಿ ಸ್ಟಾಲಿನ್ | JANATA NEWS
455
ಚೆನ್ನೈ : ತಮಿಳುನಾಡು ಮುಖ್ಯಮಂತ್ರಿ ಎಂಕೆ.ಸ್ಟಾಲಿನ್ ಅವರ ಪುತ್ರ ಮತ್ತು ಇತ್ತೀಚೆಗೆ ರಾಜ್ಯ ಯುವ ಕಲ್ಯಾಣ ಮತ್ತು ಕ್ರೀಡಾ ಅಭಿವೃದ್ಧಿ ಸಚಿವರಾಗಿ ನೇಮಕಗೊಂಡ ಉದಯನಿಧಿ ಸ್ಟಾಲಿನ್ ಅವರು ತಮ್ಮನ್ನು ತಾವು ಹೆಮ್ಮೆಯ ಕ್ರಿಶ್ಚಿಯನ್ನರು ಮತ್ತು ತನ್ನ ಪತ್ನಿ ಕ್ರಿಶ್ಚಿಯನ್, ಎಂದು ಹೇಳಿ ವಿವಾದವನ್ನು ಹುಟ್ಟುಹಾಕಿದರು.
ವರದಿಗಳ ಪ್ರಕಾರ, ಉದಯನಿಧಿ ಸ್ಟಾಲಿನ್ ಅವರು ಚೆನ್ನೈನ ಹಾರ್ಬರ್ ಕ್ಷೇತ್ರದಲ್ಲಿ ಕ್ರಿಸ್ಮಸ್ ಆಚರಣೆಯ ಕಾರ್ಯಕ್ರಮದಲ್ಲಿ ಮಾತನಾಡುತ್ತಿದ್ದರು. ದ್ರಾವಿಡ ಮುನ್ನೇತ್ರ ಕಳಗಂ(ಡಿಎಂಕೆ) ಮುಖಂಡ, ತನ್ನನ್ನು ತಾನು ಕ್ರಿಶ್ಚಿಯನ್ ಎಂದು ಕರೆದುಕೊಳ್ಳಲು ಹೆಮ್ಮೆಪಡುತ್ತೇನೆ ಮತ್ತು ಇದನ್ನು ತಿಳಿದ ನಂತರ ಸಂಘಿಗಳು ಉರಿಯುತ್ತಾರೆ, ಎಂದು ಹೇಳಿದರು.
“ನಾನು ಕ್ರಿಶ್ಚಿಯನ್ ಎಂದು ಹೇಳಿಕೊಳ್ಳಲು ಹೆಮ್ಮೆಪಡುತ್ತೇನೆ, ಇಂದು ಎಲ್ಲಾ ಸಂಘಿಗಳೂ ಉರಿಯುತ್ತಾರೆ. ಏಕೆಂದರೆ ತಮಿಳುನಾಡು ಹಿಂದೂ ಧಾರ್ಮಿಕ ಮತ್ತು ಧರ್ಮ ದತ್ತಿ ಸಚಿವ ಶೇಕರಬಾಬು ‘ಹಲ್ಲೆಲುಜಾ’ ಎನ್ನುತ್ತಿದ್ದಾರೆ, ಉದಯನಿಧಿ ‘ನಾನು ಕ್ರಿಶ್ಚಿಯನ್’ ಎಂದು ಹೇಳುತ್ತಿದ್ದಾರೆ. ಹೌದು, ನಾನೂ ಮುಸ್ಲಿಂ ಎಂದು ಹೇಳುತ್ತೇನೆ," ಎಂದು ಉದಯನಿಧಿ ಮಾತನಾಡಿದ್ದಾರೆ.
“ನಾನು ಎಗ್ಮೋರಿನಲ್ಲಿರುವ ಡಾನ್ ಬಾಸ್ಕೋ ಶಾಲೆಗೆ ಹೋಗಿದ್ದೆ. ನಾನು ಲೊಯೋಲಾ ಕಾಲೇಜಿನಿಂದ ಪದವಿಯನ್ನು ಪಡೆದಿದ್ದೇನೆ. ನಾನು ಕ್ರಿಶ್ಚಿಯನ್ ಮಹಿಳೆಯನ್ನು(ಕಿರುತಿಗ ಉದಯನಿಧಿ) ಪ್ರೀತಿಸಿ ಮದುವೆಯಾದೆ. ಆ ಟಿಪ್ಪಣಿಯಲ್ಲಿ, ಈ ಕ್ರಿಸ್ಮಸ್ ಈವೆಂಟ್‌ನ ಭಾಗವಾಗಿರಲು ನನಗೆ ಸಂತೋಷವಾಗಿದೆ, ”ಎಂದು ಉದಯನಿಧಿ ಹೇಳಿದ್ದಾರೆ.
ಈ ಹೇಳಿಕೆಯು ವಿರೋಧ ಪಕ್ಷವಾದ ಬಿಜೆಪಿಯ ವಾದಕ್ಕೆ ದೊಡ್ಡ ಬಲವನ್ನು ನೀಡಿದೆ. ಡಿಎಂಕೆ ಹಿಂದೂ ವಿರೋಧಿ ಪಕ್ಷ ಎಂದು ಬಿಜೆಪಿ ನಾಯಕರು ಪ್ರತಿಪಾಧಿಸುತ್ತಿದ್ದರು. ಅಷ್ಟೇ ಅಲ್ಲದೇ, ತಮಿಳುನಾಡಿನಲ್ಲಿ ರಾಜ್ಯ ಸರ್ಕಾರವು ಹಿಂದೂ ದೇವಾಲಯಗಳನ್ನು ಧ್ವಂಸಗೊಳಿಸಿದೆ ಎಂದು ಹೇಳುವ ಹಲವಾರು ವೀಡಿಯೊಗಳು ವೈರಲ್ ಆಗುತ್ತಿವೆ.
Wow that's news to me.... pic.twitter.com/H0gUOzzMWw
— Vishwatma 🇮🇳 (@HLKodo) December 22, 2022
