ಹೊಸ ಸಂಸತ್ ಭವನವನ್ನು ಭವ್ಯತೆಯನ್ನು ಹೊಗಳಿದ ಸುಧಾ ಮೂರ್ತಿ | JANATA NEWS
1719
ನವದೆಹಲಿ : ಹೊಸ ಸಂಸತ್ ಭವನವನ್ನು ಇಂದು ವೀಕ್ಷಿಸಿದ ಇನ್ಫೋಸಿಸ್ ಫೌಂಡೇಶನ್ ಸಂಸ್ಥಾಪಕಿ ಸುಧಾ ಮೂರ್ತಿಯವರು ಮನಪೂರ್ವಕವಾಗಿ ಕಟ್ಟಡದ ಭವ್ಯತೆಯನ್ನು ಹಾಡಿ ಹೊಗಳಿದ್ದಾರೆ.
ತುಂಬಾ ಸುಂದರವಾಗಿದೆ, ವರ್ಣಿಸಲು ಪದಗಳಿಲ್ಲ ... ನಾನು ಬಹಳ ದಿನಗಳಿಂದ ಇದನ್ನು ನೋಡಬೇಕೆಂದು ಬಯಸಿದ್ದೆ. ಇಂದು ಕನಸು ನನಸಾಯಿತು. ಸುಂದರವಾಗಿದೆ ಎಂದರು ಸುಧಾ ಮೂರ್ತಿ.
ಹೊಸ ಸಂಸತ್ತಿನ ಕಟ್ಟಡದ ಬಗ್ಗೆ ನೀವು ಏನು ಇಷ್ಟಪಡುತ್ತೀರಿ ಎಂದು ಕೇಳಿದಾಗ, ಅವರು ಉತ್ತರಿಸಿದರು, "ಇದರ ಕಲೆ, ಸಂಸ್ಕೃತಿ, ಭಾರತೀಯ ಇತಿಹಾಸ - ಎಲ್ಲವೂ ಸುಂದರವಾಗಿದೆ ... ಮತ್ತು ಇಷ್ಟು ಕಡಿಮೆ ಅವಧಿಯಲ್ಲಿ ಎಲ್ಲವನ್ನೂ ಸುಂದರವಾಗಿ ಜೋಡಿಸಲಾಗಿದೆ.. ನಾನು ಇವೆಲ್ಲವ ನೋಡಲು ಒಂದು ದಿನ ಕಳೆಯಲು ಬಯಸುತ್ತೇನೆ.", ಎಂದಿದ್ದಾರೆ.
ನೀವು ಅಧಿಕೃತವಾಗಿ (ಸಂಸತ್ತಿನ) ಒಳಗೆ ಬರಲು ಯೋಜಿಸುತ್ತಿದ್ದೀರಾ? ಎಂದು ಪ್ರಶ್ನಿಸಿದಾಗ, "ನಾನು ಈಗ ಏನು ಇದ್ದೇನೋ ಅದರಲ್ಲಿ ಸಂತೋಷವಾಗಿದ್ದೇನೆ", ಎಂದು ಉತ್ತರಿಸಿದ್ದಾರೆ.
English summary :Sudha Murthy praised the grandeur of the new Parliament House
