ವೀರ ಸಾವರ್ಕರ್ ಗೋಮಾಂಸ ಸೇವಿಸುತ್ತಿದ್ದ ಬಗ್ಗೆ ನಿಮ್ಮ ತಂದೆ ಹೇಳಿದ್ದರೋ ಅಥವಾ..ಮುಸ್ಲಿಂ ಸಮಾಜದ ನಿಮ್ಮ ಪತ್ನಿ ಹೇಳಿದ್ದರೋ? - ರಾಜ್ಯ ಬಿಜೆಪಿ | JANATA NEWS
ಬೆಂಗಳೂರು : ಸ್ವಾತಂತ್ರ್ಯ ಹೋರಾಟಗಾರ ವೀರ ಸಾವರ್ಕರ್ ಅವರ ಬಗ್ಗೆ ವಿವಾದಾತ್ಮಕ ಹೇಳಿಕೆಯೊಂದನ್ನು ನೀಡುವ ಮೂಲಕ ರಾಜ್ಯ ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಅವರು ದೇಶಾದ್ಯಂತ ಎದ್ದಿರುವ ವಿವಾದಗಳ ಕೇಂದ್ರ ಬಿಂದುವಾದರು.
ಬುಧವಾರ ಬೆಂಗಳೂರಿನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಸಾವರ್ಕರ್ ಮಾಂಸಾಹಾರಿ ಮತ್ತು ಗೋಮಾಂಸ ಸೇವಿಸಿದ್ದಾರೆ ಎಂದು ಆರೋಪಿಸಿ ರಾವ್ ಕೋಲಾಹಲ ಸೃಷ್ಟಿಸಿದ್ದರು.
ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ರಾಜ್ಯ ಬಿಜೆಪಿ, "ಸನ್ಮಾನ್ಯ ದಿನೇಶ್ ಗುಂಡೂರಾವ್ ಅವರೆ, ಬ್ರಾಹ್ಮಣ ಸಮಾಜದ ವೀರ ಸಾವರ್ಕರ್ ಅವರು ಗೋಮಾಂಸ ಸೇವಿಸುತ್ತಿದ್ದರು ಎಂದು ನಿಮಗೆ ಬ್ರಾಹ್ಮಣ ಸಮಾಜದ ನಿಮ್ಮ ತಂದೆ ಗುಂಡೂರಾವ್ ಹೇಳಿದ್ದರೊ ಅಥವಾ ಮುಸ್ಲಿಂ ಸಮಾಜದ ನಿಮ್ಮ ಪತ್ನಿ ತಬಸ್ಸುಮ್‌ ಅವರು ಹೇಳಿದ್ದರೊ..??", ಎಂದು ಪ್ರಶ್ನಿಸಿ ಎಕ್ಸ್ ನಲ್ಲಿ ಪೋಸ್ಟ್ ಮಾಡಿದೆ.
ಎಕ್ಸ್ ನಲ್ಲಿ ಮಾಡಿರುವ ಇನ್ನೊಂದು ಪೋಸ್ಟ್ ನಲ್ಲಿ, " ‘ಸಾವರ್ಕರ್ ಗೋಮಾಂಸ ತಿನ್ನುತ್ತಿದ್ದ’?! 😡 ವೀರ್ ಸಾವರ್ಕರ್ ಬಗ್ಗೆ ಸುಳ್ಳು ಸುದ್ದಿ ಹಬ್ಬಿಸುತ್ತಿರುವ ದಿನೇಶ್ಗುಂಡೂರಾವ್ ಅವರಂತಹ ಕಾಂಗ್ರೆಸ್ ನಾಯಕರು ನೋಡಿ ಶಾಕ್ ಆಗ್ತಿದೆ ! ಭಾರತದ ಸ್ವಾತಂತ್ರ್ಯಕ್ಕಾಗಿ ಅವರ ತ್ಯಾಗವನ್ನು ಅಗ್ಗದ ರಾಜಕೀಯ ನಿರೂಪಣೆಗಳಿಂದ ಕಳಂಕಗೊಳಿಸಲಾಗುವುದಿಲ್ಲ. ಮರಾಠರು ಮತ್ತು ಮಹಾರಾಷ್ಟ್ರದ ಮೇಲೆ ಕಾಂಗ್ರೆಸ್ ದ್ವೇಷವು ಸ್ಪಷ್ಟವಾಗಿ ಗೋಚರಿಸುತ್ತದೆ!", ಎಂದು ಸಚಿವ ರಾವ್ ಹೇಳಿಕೆಯ ವಿಡಿಯೋ ಶೇರ್ ಮಾಡಿದೆ.
ಕರ್ನಾಟಕ ಆರೋಗ್ಯ ಸಚಿವ ದಿನೇಶ್ ಗುಂಡೂ ರಾವ್ ಅವರು ಹಿಂದುತ್ವ ಸಿದ್ಧಾಂತವಾದಿ ವಿನಾಯಕ ದಾಮೋದರ್ ಸಾವರ್ಕರ್ ಅವರ ಬಗ್ಗೆ ಮತ್ತೊಂದು ವಿವಾದಾತ್ಮಕ ಹೇಳಿಕೆಯನ್ನು ನೀಡಿದ್ದಾರೆ, ಸಾವರ್ಕರ್ ಅವರು 'ಚಿತ್ಪಾವನ ಬ್ರಾಹ್ಮಣ' ಆಗಿದ್ದರೂ, ಗೋಹತ್ಯೆ ಮತ್ತು ಬಹಿರಂಗವಾಗಿ ಮಾಂಸ ಸೇವನೆಯನ್ನು ವಿರೋಧಿಸಲಿಲ್ಲ ಎಂದು ಹೇಳಿದ್ದಾರೆ.
ರಾವ್ ಅವರ ಪ್ರಕಾರ, “ಚಿತ್ಪಾವನ ಬ್ರಾಹ್ಮಣರಾಗಿದ್ದರೂ, ಸಾವರ್ಕರ್ ಅವರು ಗೋಮಾಂಸ ತಿನ್ನುತ್ತಿದ್ದರು ಮತ್ತು ಮಾಂಸಾಹಾರಿಯಾಗಿದ್ದರು. ಅವರು ಗೋಹತ್ಯೆಯನ್ನು ವಿರೋಧಿಸಲಿಲ್ಲ. ಈ ಅರ್ಥದಲ್ಲಿ ಸಾವರ್ಕರ್ ಆಧುನಿಕತಾವಾದಿಯಾಗಿ ಕಾಣಿಸಿಕೊಂಡರು,” ಎಂದು ಅವರು ಹೇಳಿದರು.
ರಾವ್ ಅವರು ಪಾಕಿಸ್ತಾನದ ಸಂಸ್ಥಾಪಕ ಮುಹಮ್ಮದ್ ಅಲಿ ಜಿನ್ನಾ ಕುರಿತು ತಮ್ಮ ಭಾಷಣದಲ್ಲಿ ಉಲ್ಲೇಖಿಸಿ ಉಭಯ ನಾಯಕರ ನಡುವಿನ ಸೈದ್ಧಾಂತಿಕ ತೀವ್ರತೆಯನ್ನು ಎತ್ತಿ ತೋರಿಸಿದರು. "ಜಿನ್ನಾ ಮತ್ತೊಂದು ವಿಪರೀತ. ಅವರು ಕಠಿಣ ಇಸ್ಲಾಮಿಸ್ಟ್ ನಂಬಿಕೆಯುಳ್ಳವರಾಗಿದ್ದರು ... ಅವರು ಮುಸ್ಲಿಂ ಐಕಾನ್ ಆದರು ... ಆದರೆ ಜಿನ್ನಾ ಮೂಲಭೂತವಾದಿಯಾಗಿರಲಿಲ್ಲ, ಆದರೆ ಸಾವರ್ಕರ್ ಮೂಲಭೂತವಾದಿಯಾಗಿದ್ದರು" ಎಂದು ರಾವ್ ಪ್ರತಿಪಾದಿಸಿದರು.
ಸನ್ಮಾನ್ಯ @Dineshgrao ಅವರೆ,
— BJP Karnataka (@BJP4Karnataka) October 3, 2024
ಬ್ರಾಹ್ಮಣ ಸಮಾಜದ ವೀರ ಸಾವರ್ಕರ್ ಅವರು ಗೋಮಾಂಸ ಸೇವಿಸುತ್ತಿದ್ದರು ಎಂದು ನಿಮಗೆ ಬ್ರಾಹ್ಮಣ ಸಮಾಜದ ನಿಮ್ಮ ತಂದೆ ಗುಂಡೂರಾವ್ ಹೇಳಿದ್ದರೊ ಅಥವಾ ಮುಸ್ಲಿಂ ಸಮಾಜದ ನಿಮ್ಮ ಪತ್ನಿ ತಬಸ್ಸುಮ್‌ ಅವರು ಹೇಳಿದ್ದರೊ..??#dineshgundurao #VeerSavarkar pic.twitter.com/yMK3UMMBAb
