ಜಗತ್ತಿನ ಯಾವುದೇ ಭಯೋತ್ಪಾದಕ ದಾಳಿಯ ಬೇರು ಪಾಕಿಸ್ತಾನದಲ್ಲಿ - ಪ್ರಧಾನಿ ಮೋದಿ | JANATA NEWS
ನವದೆಹಲಿ : ಪಾಕಿಸ್ತಾನವನ್ನು ಭಯೋತ್ಪಾದಕ ರಾಷ್ಟ್ರ ಎಂದು ಟೀಕಿಸಿದ ಪ್ರಧಾನಿ ನರೇಂದ್ರ ಮೋದಿ, ಜಗತ್ತಿನ ಯಾವುದೇ ಭಾಗದಲ್ಲಿ ಭಯೋತ್ಪಾದಕ ದಾಳಿ ನಡೆದರೆ, ಅದರ ಬೇರು ಪಾಕಿಸ್ತಾನದಲ್ಲಿಯೇ ಸಿಗುತ್ತದೆ, ಎಂದು ಹೇಳಿದರು.
ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಭಾನುವಾರ ಅಮೆರಿಕದ ವಿಜ್ಞಾನಿ ಲೆಕ್ಸ್ ಫ್ರಿಡ್ಮನ್ ಅವರ ಪಾಡ್ಕ್ಯಾಸ್ಟ್ನಲ್ಲಿ ಮಾತನಾಡುತ್ತಾ, ಜಗತ್ತಿನ ಯಾವುದೇ ಭಾಗದಲ್ಲಿ ಭಯೋತ್ಪಾದಕ ದಾಳಿ ನಡೆದರೆ, ಅದರ ಬೇರು ಪಾಕಿಸ್ತಾನದಲ್ಲಿಯೇ ಸಿಗುತ್ತದೆ, ಎಂದು ಹೇಳಿದರು.
9/11 ರ ಉದಾಹರಣೆಯನ್ನು ನೀಡುತ್ತಾ ಪ್ರಧಾನಿ ಮೋದಿ, "9/11 ಅನ್ನು ನೋಡಿ, ಇಷ್ಟು ದೊಡ್ಡ ಘಟನೆ ಅಮೆರಿಕದಲ್ಲಿ ನಡೆಯಿತು. ಅದರ ಮಾಸ್ಟರ್ ಮೈಂಡ್ ಒಸಾಮಾ ಬಿನ್ ಲಾಡೆನ್ ಎಲ್ಲಿ ಸಿಕ್ಕನು? ... ಪಾಕಿಸ್ತಾನದಲ್ಲಿ. ಆದ್ದರಿಂದ, ಈಗ ಜಗತ್ತಿಗೆ ಈ ರೀತಿಯ ಭಯೋತ್ಪಾದಕ ಮನಸ್ಥಿತಿಯ ಬಗ್ಗೆ ತಿಳಿದಿದೆ. ಮತ್ತು ಭಾರತ ಮಾತ್ರವಲ್ಲ, ಇಡೀ ಜಗತ್ತಿನ ಸಮಸ್ಯೆಯ ಕೇಂದ್ರಬಿಂದು ಪಾಕ್ ಆಗಿದೆ."
"ಇದನ್ನೆಲ್ಲ ನಿಲ್ಲಿಸುವಂತೆ ನಾವು ಅವರನ್ನು ವಿನಂತಿಸಿದ್ದೇವೆ. ನಾನು ವೈಯಕ್ತಿಕವಾಗಿ ಲಾಹೋರ್ಗೆ ಹೋಗಿದ್ದೆ. ನಾನು ಮೊದಲ ಬಾರಿಗೆ ಪ್ರಧಾನಿಯಾದಾಗ ನಾನು ಅವರನ್ನು ನನ್ನ ಪ್ರಮಾಣವಚನ ಸಮಾರಂಭಕ್ಕೆ ಆಹ್ವಾನಿಸಿದೆ. ನಾನು ಉತ್ತಮ ಆರಂಭವನ್ನು ಹುಡುಕುತ್ತಿದ್ದೆ. ಆದರೆ, ಪ್ರತಿಯೊಂದು ಒಳ್ಳೆಯ ಪ್ರಯತ್ನಕ್ಕೂ ನಮಗೆ ನಕಾರಾತ್ಮಕ ಉತ್ತರ ಸಿಕ್ಕಿತು" ಎಂದು ಪ್ರಧಾನಿ ಮೋದಿ ಹೇಳಿದರು.
ವಿಶ್ವಸಂಸ್ಥೆಯಲ್ಲಿ "ಯಾವುದೇ ಸುಧಾರಣೆ" ಉಳಿದಿಲ್ಲದ ಕಾರಣ ಅದು "ಬಹುತೇಕ ಅಪ್ರಸ್ತುತ"ವಾಗಿದೆ ಎಂದು ಪ್ರಧಾನಿ ಮೋದಿ ವ್ಯಕ್ತಪಡಿಸಿದರು.
