ನಿಧಿ ಮನೆಗೆ ಅಂದು ಪಟಾಕಿ ಎಸೆದಿದ್ದ ಹುಡುಗ ಯಾರು ಗೊತ್ತಾ? | Filmz news
: ನಿಧಿ ಸುಬ್ಬಯ್ಯ ಬಿಗ್ ಬಾಸ್ ಮನೆಯಲ್ಲಿ ತಮ್ಮ ಕಾಲೇಜು ದಿನಗಳಲ್ಲಿ ನಡೆದ ಒಂದು ರೋಚಕ ಘಟನೆಯನ್ನು ಬಹಿರಂಗ ಪಡಿಸಿದ್ದಾರೆ.
ನಿಧಿ ಸುಬ್ಬಯ್ಯ ಮೂಲತಃ ಮೈಸೂರಿನವರು. ತಮ್ಮ ಮನೆಗೆ ನಾಲ್ಕು ಬೈಕ್ ನಲ್ಲಿ ಬಂದಿದ್ದ ಹುಡುಗರು, ಕೋಣೆಗೆ ಮಾಲೆ ಪಟಾಕಿ ಹಾಕಿ ಓಡಿ ಹೋಗಿದ್ದರು. ಮಾಲೆ ಪಟಾಕಿಯಿಂದ ಅಂದು ನಿಧಿ ಸುಬ್ಬಯ್ಯ ಮನೆಯ ಕೋಣೆ ಧಗ ಧಗ ಉರಿದಿತ್ತು. ಕೋಣೆಯ ಕರ್ಟನ್ ಸ್ಕ್ರೀನ್ ಗಳು ಬೆಂಕಿಗೆ ಆಹುತಿ ಆಗಿದ್ದವು.
ಅಂದು ನಿಧಿ ಸುಬ್ಬಯ್ಯ ಮನೆಯ ಕೋಣೆಗೆ ಮಾಲೆ ಪಟಾಕಿ ಎಸೆದ ಹುಡುಗ, ಯಾರು ಗೊತ್ತೇ? ರಾಕಿಂಗ್ ಸ್ಟಾರ್ ಯಶ್!
ವಾವ್ ಐ ಲವ್ ಯು ಬೇಬಿ ಅಂತ ಹೇಳಿಕೊಂಡು ಹುಡುಗರು ಬರುತ್ತಿದ್ದರು. ರೋಸ್ ಡೇ ನಲ್ಲಿ 40 ಕ್ಕೂ ಹೆಚ್ಚು ರೋಸ್ ಗಳು ಸಿಗುತ್ತಿದ್ದವು. ಆಗ ನಾನು ಯಾರಿಗೆ ಏನು ಬೈದೆ ಅಂತ ಗೊತ್ತಿಲ್ಲ.
ನಾಲ್ಕು ಬೈಕ್ ನಲ್ಲಿ ಎಂಟು ಜನರು ಮಾಲೆ ಪಟಾಕಿಯನ್ನು ತೆಗೆದು ನನ್ನ ಮನೆಗೆ ಎಸೆದರು. ನಾನು ತಾತ-ಅಜ್ಜಿ ಜೊತೆಗೆ ಇರುತ್ತಿದ್ದೆ. ತಾತನ ರೂಮ್ ಗ್ರೌಂಡ್ ಫ್ಲೋರ್ ನಲ್ಲಿತ್ತು. ನನ್ನ ರೂಮ್ ಮೇಲಿತ್ತು. ಕೆಳಗಿರುವುದು ನನ್ನ ರೂಮ್ ಅಂದುಕೊಂಡು, ಆ ರೂಮ್ ಗೆ ಮಾಲೆ ಪಟಾಕಿ ಹಾಕಿ ಹುಡುಗರು ಓಡಿದ್ದಾರೆ. ನಾವು ನಾಲ್ಕು ಬೈಕ್ ಹೋಗಿದ್ದನ್ನು ನೋಡಿದ್ವಿ. ಅದು ಯಾರು ಅನ್ನೋದು ಆಗ ಗೊತ್ತಾಗಲಿಲ್ಲ.
ಫಿಲ್ಮ್ ಇಂಡಸ್ಟ್ರಿ ಸೇರಿದ ಮೇಲೆ ರಿಹರ್ಸಲ್ ಮಾಡುತ್ತಿದ್ದೆ, ಒಬ್ಬರು ಬಂದು ನಿಧಿ ಒಂದನ್ನು ಕನ್ಫೆಸ್ ಮಾಡಬೇಕು ಎಂದರು, ಏನು ಅಂತ ಕೇಳಿದಾಗ, ಮಾಲೆ ಪಟಾಕಿ ಹಾಕಿದ್ದು ನೆನಪಿದ್ಯಾ.? ಅಂತ ಕೇಳಿದರು. ಅದು ನಾನೇ ಎಸೆದಿದ್ದು ಅಂತ ಹೇಳಿದರು. ಆ ಹೀರೋ ಯಾರು ಗೊತ್ತಾ? ಧೀರ ಧೀರ ಧೀರ ಈ ಸುಲ್ತಾನ .... ಹೌದು ಯಶ್.
ಈ ವಿಷಯವನ್ನು ರಾಕಿಂಗ್ ಸ್ಟಾರ್ ಯಶ್ ಕೂಡ ಒಂದು ಸಂದರ್ಶನದಲ್ಲಿ ತಿಳಿಸಿದ್ದರು ಎಂದು ನಿಧಿ ಸುಬ್ಬಯ್ಯ ಬಿಗ್ ಬಾಸ್ ಮನೆಯಲ್ಲಿ ಹೇಳಿದ್ದಾರೆ.