ನಮ್ಮ ಮೆಟ್ರೊ : ಮೈಸೂರು ರಸ್ತೆ ⇄ ಕೆಂಗೇರಿ ಮಾರ್ಗದ ಪರೀಕ್ಷಾರ್ಥ ಸಂಚಾರ ಪ್ರಾರಂಭ | ಜನತಾ ನ್ಯೂಸ್
ಬೆಂಗಳೂರು : ನಗರದ ಪ್ರಮುಖ ಸಾರಿಗೆಯಲ್ಲೊಂದಾದ, ನಮ್ಮ ಮೆಟ್ರೊ, ರೈಲು ಯೋಜನೆಯ ಎರಡನೇ ಹಂತದ ಭಾಗವಾಗಿರುವ, ಮೈಸೂರು ರಸ್ತೆ ವಿಸ್ತರಿತ ಮಾರ್ಗದಲ್ಲಿ ಮಂಗಳವಾರದಿಂದ ಮೆಟ್ರೊ ರೈಲು ಪರೀಕ್ಷಾರ್ಥ-ಸಂಚಾರ ಪ್ರಾರಂಭವಾಗಿದೆ.
ಬೆಂಗಳೂರಿನ ನಮ್ಮ ಮೆಟ್ರೊ ಯೋಜನೆಯ ವಿಸ್ತೃತ ಸುಮಾರು 7 ಕಿ.ಮೀ ಉದ್ದದ ಮೈಸೂರು ರಸ್ತೆ ⇄ ಕೆಂಗೇರಿ ಮಾರ್ಗದ ಕಾಮಗಾರಿಯನ್ನು ಬಿಎಂಆರ್ಸಿಎಲ್ ನ ಆಡಳಿತ ತಜ್ಞರು ಕಳೆದ ವಾರ ಪರಿಶೀಲಿಸಿದ್ದರು.
ಈ ನೂತನವಾಗಿ ನಿರ್ಮಿತ ಮಾರ್ಗ ಮೈಸೂರು ರಸ್ತೆ ನಿಲ್ದಾಣ(ನಾಯಂಡಹಳ್ಳಿ ವೃತ್ತ)ದಿಂದ ಕೆಂಗೇರಿಯವರಿಗೆ ವಿಸ್ತರಿಸಲಿದ್ದು, ನಗರದ ಹೃದಯ ಭಾಗವನ್ನು ಅನಾಯಾಸವಾಗಿ ತಲುಪುವ ಜನರ ಬಹುದಿನದ ಕನಸು ನನಸಾಗುವ ದಿನಗಳು ಸನ್ನಿಹಿತವಾಗಿದೆ. ಈ ಮಾರ್ಗದಲ್ಲಿ ಇನ್ನೊಂದು ತಿಂಗಳೊಳಗೆ ವಾಣಿಜ್ಯ ಸಂಚಾರ ಆರಂಭವಾಗಲಿದೆ ಬಿಎಂಆರ್ಸಿಎಲ್ ಮೂಲಗಳು ತಿಳಿಸಿವೆ.