ಮೇ 10 ರಿಂದ ಮೇ 25 ರವರೆಗೆ ಲಾಕ್ ಡೌನ್ : ಏನಿರುತ್ತೆ ಎನಿರಲ್ಲ | ಜನತಾ ನ್ಯೂಸ್
ಬೆಂಗಳೂರು : ರಾಜ್ಯದಲ್ಲಿ ವಿಪರೀತವಾಗಿ ಹೆಚ್ಚುತ್ತಿರುವ ಕೋವಿಡ್-19 ಪ್ರಕರಣಗಳು ಬೆನ್ನಲ್ಲೇ ಕರ್ನಾಟಕ ಎರಡು ವಾರಗಳ ಲಾಕ್ಡೌನ್ ಘೋಷಿಸಿದೆ. ಇಂದು ಹೊರಡಿಸಿದ ಆದೇಶದಲ್ಲಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಸರ್ಕಾರ ಮೇ 10ರ ಬೆಳಿಗ್ಗೆ 6 ರಿಂದ ಮೇ 25 ರವರೆಗೆ ಲಾಕ್ ಡೌನ್ ಘೋಷಿಸಿದೆ.
ಆದರೆ, ಅಗತ್ಯ ಸರಕು ಮತ್ತು ಸೇವೆಗಳ ಸಂಚಾರಕ್ಕೆ ಅವಕಾಶವಿರಲಿದ್ದು, ದಿನಸಿ ಮಾರಾಟ ಮಾಡುವ ಅಂಗಡಿಗಳು ಬೆಳಿಗ್ಗೆ 6 ರಿಂದ ಸಂಜೆ 6 ರವರೆಗೆ ತೆರೆದಿರಬಹುದು, ಎಂದು ಸರ್ಕಾರ ತಿಳಿಸಿದೆ.
ರಸ್ತೆ ದುರಸ್ತಿ ಕೆಲಸ ಮತ್ತು ಸರಕು ವಾಹನಗಳ ಸೇವೆಗಳನ್ನು ಲಾಕ್ಡೌನ್ ಸಮಯದಲ್ಲಿ ಮುಂದುವರಿಯಲು ಅನುಮತಿಸಲಾಗಿದೆ.
ಅಗತ್ಯ ಸೇವೆಗಳ ಪಟ್ಟಿಗೆ ನೇರವಾಗಿ ಸಂಬಂಧವಿಲ್ಲದ ಅಂಗಡಿಗಳು ಮತ್ತು ಇತರ ವಾಣಿಜ್ಯ ಘಟಕಗಳಾದ ಹೋಟೆಲ್ಗಳು, ಪಬ್ಗಳು, ಬಾರ್ಗಳು ಮತ್ತು ಕೈಗಾರಿಕೆಗಳು ಅವುಗಳ ಬಾಗಿಲನ್ನು ತೆರೆಯಲು ನಿರ್ಭಂದ ವಿಧಿಸಲಾಗಿದೆ.
ಈಗಾಗಲೇ ನಿಗದಿಯಾಗಿರುವ ವಿಮಾನಗಳು ಮತ್ತು ರೈಲುಗಳು ಲಾಕ್ ಡೌನ್ ಸಮಯದಲ್ಲಿಯೂ ಸಹ ಕಾರ್ಯನಿರ್ವಹಿಸಲಿವೆ< ಎಂದು ಸರ್ಕಾರದ ಆದೇಶದಲ್ಲಿ ತಿಳಿಸಿದೆ. ರಾಜ್ಯ ಸಾರಿಗೆ ಬಸ್, ಮೆಟ್ರೋ ರೈಲು ಸೇವೆ ಲಭ್ಯವಿರುವುದಿಲ್ಲ. ತುರ್ತು ಸೇವೆಯ ಹೊರತಾದ ಟ್ಯಾಕ್ಸಿಗಳನ್ನು ರಸ್ತೆಗಿಳಿಯಲು ಅನುಮತಿಸಲಾಗುವುದಿಲ್ಲ. ಶಾಲೆಗಳು ಮತ್ತು ಕಾಲೇಜುಗಳು ಮುಚ್ಚಿಯೇ ಇರಲಿದ್ದು, ಆನ್ಲೈನ್ ಕಲಿಕೆ ಮುಂದುವರಿಯಬಹುದಾಗಿದೆ.