ವುಹಾನ್ ಲ್ಯಾಬ್ನ ಸಿಬ್ಬಂದಿಗಳ ಅನಾರೋಗ್ಯದ ಕುರಿತು ಗುಪ್ತಚರ ವರದಿ : ಕೋವಿಡ್-19 ಮೂಲದ ಕುರಿತು ಹೆಚ್ಚಿದ ಚರ್ಚೆ | ಜನತಾ ನ್ಯೂಸ್
ವಾಶಿಂಗ್ಟನ್ : ಚೀನಾದ ವುಹಾನ್ ನಲ್ಲಿ ಮೊದಲು ಬೆಳಕಿಗೆ ಬಂದ ಕೊರೊನಾ ವೈರಸ್ ಜಗತ್ತಾದ್ಯಂತ ಬಹುತೇಕ ರಾಷ್ಟ್ರಗಳ ಆರೋಗ್ಯ ಕ್ಷೇತ್ರದ ಸಾಮರ್ಥ್ಯಗಳಿಗೆದೊಡ್ಡ ಸವಾಲನ್ನು ಎಸೆದಿದ್ದು, ಭಾರತ ಸೇರಿದಂತೆ ವಿಶ್ವದ ಬಲಿಷ್ಠ ರಾಷ್ಟ್ರಗಳೂ ಸಹ ಇಂದಿಗೂ ಸಹ ಈ ವೈರಸ್ ನೊಂದಿಗೆ ಹೋರಾಟ ನಡೆಸುತ್ತಲೇ ಇದೆ. ಈ ಮಧ್ಯೆ, ಕರೋನಾ ವೈರಸ್ ವುಹಾನ್ ನ ಪ್ರಯೋಗಾಲಯದಲ್ಲಿ ತಯಾರಾಗಿರುವದು ಎಂಬುದಕ್ಕೆ ಪೂರಕ ಮಾಹಿತಿ ಮತ್ತೊಮ್ಮೆ ಚರ್ಚೆಗೆ ಗ್ರಾಸವಾಗಿದೆ.
ಚೀನಾದ ವುಹಾನ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿಯ ಮೂವರು ಸಂಶೋಧಕರು 2019ರ ನವೆಂಬರ್ನಲ್ಲಿ ಸಾಕಷ್ಟು ಅನಾರೋಗ್ಯ ಪಿಡಿತರಾಗಿದ್ದರೆಂದರೆ, ಅವರನ್ನು ಆರೈಕೆಗೆ ಆಸ್ಪತ್ರೆಗೆ ದಾಖಲಾಗಿಸಲಾಗಿತ್ತು, ಎಂಬ ಈ ಹಿಂದೆ ಬಹಿರಂಗಪಡಿಸದ ಅಮೇರಿಕ(ಯುಎಸ್) ಗುಪ್ತಚರ ವರದಿಯ ಪ್ರಕಾರ, ಕೋವಿಡ್-19 ವೈರಸ್ ಪ್ರಯೋಗಾಲಯದಿಂದ ಹೊರಗೆ ತಪ್ಪಿಸಿಕೊಂಡಿರಬಹುದೇ? ಎಂಬ ಬಗ್ಗೆ ಸಂಪೂರ್ಣ ತನಿಖೆಗಾಗಿ ಹೆಚ್ಚುತ್ತಿರುವ ಕೂಗುಗಳ ತೂಕವನ್ನು ಹೆಚ್ಚಿಸುವ ಸಾದ್ಯತೆಗಳಿವೆ, ಎಂದು ವಾಲ್ ಸ್ಟ್ರೀಟ್ ಜರ್ನಲ್ ವರದಿ ಮಾಡಿದೆ.
ವರದಿಯ ವಿವರಗಳು ಟ್ರಂಪ್ ಆಡಳಿತದ ಅಂತಿಮ ದಿನಗಳಲ್ಲಿ ಹೊರಡಿಸಲಾದ ಸ್ಟೇಟ್ ಡಿಪಾರ್ಟ್ಮೆಂಟ್ ಫ್ಯಾಕ್ಟ್ ಶೀಟ್ ಗಿಂತ ಅಧಿಕವಾಗಿದೆ. ಇದರ ಪ್ರಕಾರ, ಕರೋನವೈರಸ್ ಮತ್ತು ಇತರ ರೋಗಕಾರಕಗಳ ಅಧ್ಯಯನ ಕೇಂದ್ರವಾದ ಲ್ಯಾಬ್ನ ಹಲವಾರು ಸಂಶೋಧಕರು 2019ರ ಸಂಕ್ರಾಮಿಕ ಆರಂಭಿಕ ಕಾಲದಲ್ಲಿ ಅನಾರೋಗ್ಯಕ್ಕೆ ಒಳಗಾಗಿದ್ದರು, ಅದರಲ್ಲೂ ಕೋವಿಡ್-19 ಮತ್ತು ಸಾಮಾನ್ಯ ಕಾಲೋಚಿತ ಕಾಯಿಲೆಗೆ ಸಂಬಂಧಿಸಿದ ರೋಗಲಕ್ಷಣಗಳೊಂದಿಗೆ.
ಕೋವಿಡ್-19 ರ ಮೂಲದ ಕುರಿತಾದ ತನಿಖೆಯ ಮುಂದಿನ ಹಂತದ ಬಗ್ಗೆ ಚರ್ಚಿಸುವ ನಿರೀಕ್ಷೆಯಿದ್ದ ಹಾಗೂ ನಿರ್ಧಾರ ತೆಗೆದುಕೊಳ್ಳುವ ವಿಶ್ವ ಆರೋಗ್ಯ ಸಂಸ್ಥೆಯ ಸಂಸ್ಥೆಯ ಸಭೆಯ ಮುನ್ನಾದಿನದಂದು, ವೈರಸ್ ಸಂಶೋಧಕರ ಸಂಖ್ಯೆ ಹಾಗೂ ಅವರ ಕಾಯಿಲೆಗಳ ಕಾಲ ಮತ್ತು ಅವರ ಆಸ್ಪತ್ರೆ ಭೇಟಿಗಳ ಕುರಿತು ವರದಿ ಬಹಿರಂಗಪಡಿಸಲಾಗಿದೆ.
ವೈರಸ್ ಹರಡುವಿಕೆಗೆ ಚೀನಾ ಕಾರಣ ಎಂದು ಅಮೇರಿಕಾ ಹಿಂದಿನ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬಹಿರಂಗವಾಗಿ ಹೇಳಿಕೆ ನೀಡಿದ್ದು ಬಿಟ್ಟರೆ ಇನ್ಯಾವ ದೇಶವೂ ಅಧಿಕೃತ ಹೇಳಿಕೆ ನೀಡಿರಲಿಲ್ಲ.