ಏನ್ಐಎ ಮಹಾನಿರ್ದೇಶಕರಾಗಿ ಸಿಆರ್‌ಪಿಎಫ್ ಮುಖ್ಯಸ್ಥ ಕುಲದೀಪ್ ಸಿಂಗ್ ನಿಯೋಜನೆ | ಜನತಾ ನ್ಯೂಸ್
1234
ನವದೆಹಲಿ : ಸಿಆರ್‌ಪಿಎಫ್ ಮುಖ್ಯಸ್ಥ ಕುಲದೀಪ್ ಸಿಂಗ್ ಅವರಿಗೆ ದೇಶದ ಪ್ರತಿಷ್ಠಿತ ತನಿಖಾ ಸಂಸ್ಥೆಗಳಲ್ಲೊಂದಾದ ರಾಷ್ಟ್ರೀಯ ತನಿಖಾ ಸಂಸ್ಥೆ(ಎನ್ಐಎ) ಮಹಾನಿರ್ದೇಶಕರ ಹೆಚ್ಚುವರಿ ಹೊಣೆ ನೀಡಲಾಗಿದೆ, ಎಂದು ಗೃಹ ಸಚಿವಾಲಯದ ಆದೇಶ ತಿಳಿಸಿದೆ. ಸೋಮವಾರ ನಿವೃತ್ತಿ ಹೊಂದುತ್ತಿರುವ ವೈ ಸಿ ಮೋದಿ ಅವರನ್ನು ಬದಲಿಸಲು
ಇಲ್ಲಿಯವರೆಗೆ ಎನ್ಐಎ ಡಿಜಿಯಾಗಿದ್ದ ವೈ.ಸಿ.ಮೋದಿ ಅವರು ನಾಳೆ ಸೋಮವಾರ ನಿವೃತ್ತಿಯಾಗಲಿದ್ದು, ಅವರ ಸ್ಥಾನದ ಹೆಚ್ಚುವರಿ ಹೊಣೆ ನಿರ್ವಹಿಸಲು ಇದೀಗ ಸಿಆರ್‌ಪಿಎಫ್ ಡಿ.ಜಿ. ಕುಲದೀಪ್ ಸಿಂಗ್ ಅವರನ್ನು ನಿಯೋಜಿಸಲಾಗಿದೆ.
ಅಸ್ಸಾಂ-ಮೇಘಾಲಯ ಕೇಡರ್‌ನ 1984 ಬ್ಯಾಚ್‌ನ ಐಪಿಎಸ್ ಅಧಿಕಾರಿ ಮೋದಿ ಅವರನ್ನು ಸೆಪ್ಟೆಂಬರ್ 2017ರಲ್ಲಿ ಕೇಂದ್ರ ಉಗ್ರ ನಿಗ್ರಹ ತನಿಖಾ ಸಂಸ್ಥೆಯ ಮುಖ್ಯಸ್ಥರನ್ನಾಗಿ ನೇಮಿಸಲಾಯಿತು.
2021 ರ ಮೇ 31ರಂದು ವೈ.ಸಿ.ಮೋದಿಯವರು ಎನ್ಐಎ ಡಿಜಿ ಯಾಗಿ ಅಧಿಕಾರ ವಹಿಸಿಕೊಂಡ ಒಂದು ವರ್ಷದ ನಂತರ, ಕೇಂದ್ರೀಯ ಮೀಸಲು ಪೊಲೀಸ್ ಪಡೆ(ಸಿಆರ್‌ಪಿಎಫ್) ಮಹಾನಿರ್ದೇಶಕ ಕುಲದೀಪ್ ಸಿಂಗ್ ಅವರು ಡಿಜಿ, ಎನ್ಐಎ ಹುದ್ದೆಯ ಹೆಚ್ಚುವರಿ ಉಸ್ತುವಾರಿ ವಹಿಸಿಕೊಳ್ಳಬೇಕೆಂದು ಸಮರ್ಥ ಪ್ರಾಧಿಕಾರ ಅನುಮೋದಿಸಿದೆ. ಈ ಆದೇಶವು, ಉತ್ತರಾಧಿಕಾರಿಯ ನೇಮಕ ಮತ್ತು ಸೇರ್ಪಡೆ ಅಥವಾ ಮುಂದಿನ ಆದೇಶದವರೆಗೆ, ಎಂದು ಇಂದು ಶನಿವಾರ ಹೊರಡಿಸಿದ ಕೇಂದ್ರ ಗೃಹ ಸಚಿವಾಲಯದ(ಎಂಹೆಚ್‌ಎ) ಆದೇಶದಲ್ಲಿ ತಿಳಿಸಲಾಗಿದೆ.
