ಏಷ್ಯಾದ ಅತಿ ಉದ್ದದ ಹೈಸ್ಪೀಡ್ ಟ್ರ್ಯಾಕ್ ಲೋಕಾರ್ಪಣೆ : ವಾಹನಗಳ ಹೈಸ್ಪೀಡ್ ಕಾರ್ಯಕ್ಷಮತೆ ಪರೀಕ್ಷೆ ಈಗ ಭಾರತದಲ್ಲೇ ಸಾಧ್ಯ | ಜನತಾ ನ್ಯೂಸ್
1565
ಇಂದೋರ್ : ನ್ಯಾಟ್ರಾಕ್ಸ್- ಹೈ ಸ್ಪೀಡ್ ಟ್ರ್ಯಾಕ್(ಎಚ್‌ಎಸ್‌ಟಿ), ಏಷ್ಯಾದ ಅತಿ ಉದ್ದದ ಹೈಸ್ಪೀಡ್ ಟ್ರ್ಯಾಕ್ ಅನ್ನು ಮಧ್ಯಪ್ರದೇಶದ ಇಂದೋರ್‌ನಲ್ಲಿ ಇಂದು ಬುಧವಾರ ಉದ್ಘಾಟಿಸಲಾಗಿದೆ. ಪ್ರಧಾನಿ ನರೇಂದ್ರ ಮೋದಿಯವರ ಆತ್ಮನಿರ್ಭರ ಭಾರತದ ಅಡಿಯಲ್ಲಿ ಈ ಟ್ರ್ಯಾಕ್ ನಿರ್ಮಿಸಲಾಗಿದ್ದು, ಈಗ ಭಾರತದ ವಾಹನಗಳನ್ನು ಭಾರತದಲ್ಲಿಯೇ ಪರೀಕ್ಷಿಸಬಹುದಾದ ಕಾರಣದಿಂದ, ವಾಹನಗಳನ್ನು ವಿದೇಶಕ್ಕೆ ಕಳುಹಿಸುವ ಅಗತ್ಯವಿರುವುದಿಲ್ಲ. ಈ ಮೂಲಕ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ವಾಹನ ತಯಾರಕರು ಸಹ ತಮ್ಮ ವಾಹನಗಳನ್ನು ಈ ಬೃಹತ್ ಟ್ರ್ಯಾಕ್‌ನಲ್ಲಿ ಪರೀಕ್ಷಿಸಲು ಸಾಧ್ಯವಾಗಲಿದೆ.
ಬೃಹತ್ ಕೈಗಾರಿಕೆಗಳು ಮತ್ತು ಸಾರ್ವಜನಿಕ ಉದ್ಯಮಗಳ ಸಚಿವ ಪ್ರಕಾಶ್ ಜಾವಡೇಕರ್ ಅವರು ಇಂದೋರ್‌ನಲ್ಲಿ ನ್ಯಾಟ್ರಾಕ್ಸ್- ಹೈ ಸ್ಪೀಡ್ ಟ್ರ್ಯಾಕ್(ಎಚ್‌ಎಸ್‌ಟಿ)ಯನ್ನು ಉದ್ಘಾಟಿಸಿದರು, ಇದು ಏಷ್ಯಾದ ಅತಿ ಉದ್ದದ ಟ್ರ್ಯಾಕ್ ಆಗಿದೆ. 1000 ಎಕರೆ ಪ್ರದೇಶದಲ್ಲಿ ಅಭಿವೃದ್ಧಿಪಡಿಸಿದ ನ್ಯಾಟ್ರಾಕ್ಸ್, ದ್ವಿಚಕ್ರ ವಾಹನಗಳಿಂದ ಹಿಡಿದು ಹೆವಿ ಟ್ರಾಕ್ಟರ್ ಟ್ರೇಲರ್‌ಗಳವರೆಗಿನ ವ್ಯಾಪಕ ವರ್ಗದ ವಾಹನಗಳಿಗೆ ಎಲ್ಲಾ ರೀತಿಯ ಹೈಸ್ಪೀಡ್ ಕಾರ್ಯಕ್ಷಮತೆ ಪರೀಕ್ಷೆಗಳಿಗೆ ಒಂದು ಸಂಪೂರ್ಣ ಪರಿಹಾರವಾಗಿದೆ.
ವಿಶ್ವ ದರ್ಜೆಯ 11.3 ಕಿ.ಮೀ ಹೈ ಸ್ಪೀಡ್ ಟ್ರ್ಯಾಕ್‌ನ ಇ-ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದ ಸಚಿವ ಜಾವಡೇಕರ್ ಅವರು, ಭಾರತವು ವಾಹನಗಳು, ಉತ್ಪಾದನೆ ಮತ್ತು ಬಿಡಿಭಾಗಗಳ ಕೇಂದ್ರವಾಗಲು ಉದ್ದೇಶಿಸಲಾಗಿದೆ, ಎಂದು ಹೇಳಿದರು. ಸಚಿವರು ಮಾತನಾಡಿ, ನಾವು ವೇಗವಾಗಿ "ಆತ್ಮನಿರ್ಭರ ಭಾರತ" ಕಡೆಗೆ ಸಾಗುತ್ತಿದ್ದೇವೆ ಮತ್ತು ಈ ದಿಕ್ಕಿನಲ್ಲಿ ಎಲ್ಲ ಸುತ್ತಿನ ಪ್ರಯತ್ನಗಳು ನಡೆಯುತ್ತಿವೆ. ಭಾರತವು ವಾಹನ ತಯಾರಿಕೆಯ ಕೇಂದ್ರವಾಗುವುದನ್ನು ಖಾತ್ರಿಪಡಿಸಿಕೊಳ್ಳುವ ಪ್ರಧಾನ ಮಂತ್ರಿಯ ಕನಸನ್ನು ಈಡೇರಿಸಲು ಅವರ ಸಚಿವಾಲಯ ಬದ್ಧವಾಗಿದೆ, ಎಂದು ಅವರು ಹೇಳಿದರು. ವಾಹನಗಳು ಮತ್ತು ಉತ್ಪಾದನಾ ಕೈಗಾರಿಕೆಗಳನ್ನು ವಿಸ್ತರಿಸುವುದರಿಂದ ಉದ್ಯೋಗ ಸೃಷ್ಟಿಸಲು ಸಹಾಯವಾಗುತ್ತದೆ, ಎಂದರು.
ದಶಕಗಳಿಂದ ನೆನೆಗುದಿಗೆ ಬಿದ್ದ ರೈಲ್ವೆ, ಹೆದ್ದಾರಿಗಳು ಮತ್ತು ಜಲಮಾರ್ಗಗಳಲ್ಲಿನ ಯೋಜನೆಗಳು ಇಂದು ಬಲವಾದ ರಾಜಕೀಯ ಇಚ್ಚಾಶಕ್ತಿಯಿಂದಾಗಿ ತ್ವರಿತಗತಿಯಲ್ಲಿ ಪೂರ್ಣಗೊಳ್ಳುತ್ತಿವೆ, ಎಂದು ಸಚಿವರು ಹೇಳಿದರು.
High-Speed Track is the heart of any proving ground for the auto sector. Today, inaugurated the longest high-speed track in Asia at Indore.
— Prakash Javadekar (@PrakashJavdekar) June 29, 2021
A proud moment for India and a key initiative in realising PM Shri @narendramodi 's vision of #AatmaNirbharBharat pic.twitter.com/lTnaz0ppQv
