ಇಸ್ಲಾಮಾಬಾದ್‌ನ ಭಾರತೀಯ ಹೈಕಮಿಷನ್‌ನ ಪ್ರದೇಶದಲ್ಲಿ ಡ್ರೋನ್ ಪತ್ತೆ | ಜನತಾ ನ್ಯೂಸ್
1418
ಇಸ್ಲಾಮಾಬಾದ್ : ಇಸ್ಲಾಮಾಬಾದ್‌ನ ಭಾರತೀಯ ಹೈಕಮಿಷನ್‌ನ ವಸತಿ ಪ್ರದೇಶದಲ್ಲಿ ಡ್ರೋನ್ ಪತ್ತೆಯಾಗಿದೆ. ಈ ವಿಷಯವನ್ನು ಪಾಕಿಸ್ತಾನದೊಂದಿಗೆ ಭಾರತದ ಕಡೆಯವರು ಎತ್ತಿದ್ದಾರೆ.
ಡ್ರೋನ್ ಚಲನವಲನಕ್ಕೆ ಸಂಬಂಧಿಸಿದಂತೆ ಇಸ್ಲಾಮಾಬಾದ್‌ನೊಂದಿಗೆ ಭದ್ರತಾ ಕಳವಳವನ್ನು ನವದೆಹಲಿ ವ್ಯಕ್ತಪಡಿಸಿದೆ.
ಒಂದು ಕಾರ್ಯಕ್ರಮ ನಡೆಯುತ್ತಿರುವಾಗ ಮಿಷನ್ ಒಳಗೆ ಡ್ರೋನ್ ಹಾರಾಟ ನಡೆದಿದೆ. ಪಾಕಿಸ್ತಾನದ ಭಾರತೀಯ ಮಿಷನ್ ಒಳಗೆ ಡ್ರೋನ್ ಪತ್ತೆಯಾದ ಮೊದಲ ಘಟನೆ ಇದೇ ಮೊದಲು.
ಕಳೆದ ವಾರ ಜೂನ್ 26ರ ಶನಿವಾರ ಈ ಘಟನೆ ನಡೆದಿದೆ. ವಿಶೇಷ ಎಂಬಂತೆ ಪ್ರಾಸಂಗಿಕವಾಗಿ, ಅದೇ ಸಮಯದಲ್ಲಿ, ಜಮ್ಮುವಿನ ಭಾರತೀಯ ವಾಯುಪಡೆಯ ನೆಲೆಯಲ್ಲಿ ಭಾರತವು ಮೊದಲ ಡ್ರೋನ್ ದಾಳಿಯನ್ನು ಕಂಡಿತು.
ಜೂನ್ 27 ರಂದು ಬಿಡುಗಡೆಯಾದ ಪ್ರಕಟಣೆಯಲ್ಲಿ, "ಜಮ್ಮು ವಾಯುಪಡೆ ನಿಲ್ದಾಣದ ತಾಂತ್ರಿಕ ಪ್ರದೇಶದಲ್ಲಿ ಭಾನುವಾರ ಮುಂಜಾನೆ ಎರಡು ಕಡಿಮೆ ತೀವ್ರತೆಯ ಸ್ಫೋಟಗಳು ವರದಿಯಾಗಿವೆ. ಒಂದು ಕಟ್ಟಡದ ಮೇಲ್ಚಾವಣಿಗೆ ಸಣ್ಣ ಹಾನಿಯಾಗಿದೆ ಮತ್ತು ಇನ್ನೊಂದು ತೆರೆದ ಪ್ರದೇಶದಲ್ಲಿ ಸ್ಫೋಟಗೊಂಡಿದೆ", ಭಾರತೀಯ ವಾಯುಪಡೆ ಹೇಳಿದೆ.
ಜಮ್ಮು ಘಟನೆಯ ನಂತರ ಭಾರತ ಜಾಗರೂಕತೆಯನ್ನು ಹೆಚ್ಚಿಸಿದೆ. ಅದೇ ಪ್ರದೇಶದಲ್ಲಿ ಡ್ರೋನ್‌ಗಳನ್ನು ಗುರುತಿಸಿದ ಕೆಲವು ಘಟನೆಗಳು ಪದೇಪದೇ ಬೆಳಕಿಗೆ ಬಂದಿವೆ. ಕಣ್ಗಾವಲು ಮತ್ತು ಹಾನಿ ಉಂಟುಮಾಡಲು ತಂತ್ರಜ್ಞಾನವನ್ನು ಬಳಸುವಲ್ಲಿ ಕಡಿಮೆ-ವೆಚ್ಚದ ಮಾರ್ಗವಾಗಿ ಡ್ರೋನ್‌ಗಳ ಬಳಕೆಯನ್ನು ನೋಡಲಾಗುತ್ತದೆ.
ಕಳೆದ ತಿಂಗಳು ನಡೆದ ಎಸ್‌ಸಿಒ ಎನ್‌ಎಸ್‌ಎಗಳ ಸಭೆಯಲ್ಲಿ ಮಾತನಾಡಿದ ಭಾರತೀಯ ರಾಷ್ಟೀಯ ಭದ್ರತಾ ಸಲಹೆಗಾರ(ಎನ್‌ಎಸ್‌ಎ) ಅಜಿತ್ ದೋವಲ್ ಅವರು, ಶಸ್ತ್ರಾಸ್ತ್ರಗಳ ಕಳ್ಳಸಾಗಣೆಗಾಗಿ ಡ್ರೋನ್‌ಗಳ ಬಳಕೆ ಸೇರಿದಂತೆ ಭಯೋತ್ಪಾದಕರು ಬಳಸುವ ಹೊಸ ತಂತ್ರಜ್ಞಾನಗಳು ಮತ್ತು ಡಾರ್ಕ್ ವೆಬ್‌ನ ದುರುಪಯೋಗಗಳ ಮೇಲ್ವಿಚಾರಣೆ ಮಾಡುವ ಅವಶ್ಯಕತೆಯಿದೆ, ಎಂದಿದ್ದರು.
