ವಂಚಕ ಉದ್ಯಮಿಗಳ ಷೇರುಗಳನ್ನು ಮಾರುವ ಮೂಲಕ ರೂ.792.11 ಕೋಟಿ ಮರುಪಡೆದ ಎಸ್ಬಿಐ - ಇಡಿ | ಜನತಾ ನ್ಯೂಸ್
ನವದೆಹಲಿ : ದೇಶದಿಂದ ಪಲಾಯನ ಮಾಡಿದ್ದ ವಿಜಯ್ ಮಲ್ಯ, ನೀರವ್ ಮೋದಿ, ಮತ್ತು ಮೆಹುಲ್ ಚೋಕ್ಸಿ ಅವರಂತಹ ಉದ್ದೇಶಪೂರ್ವಕ ವಂಚಕ ಉದ್ಯಮಿಗಳಿಂದ ಜಾರಿ ನಿರ್ದೇಶನಾಲಯ(ಇಡಿ) ವಶಪಡಿಸಿಕೊಂಡು ಹಸ್ತಾಂತರಿಸಿದ ಷೇರುಗಳನ್ನು ಮಾರುವ ಮೂಲಕ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ(ಎಸ್ಬಿಐ) ನೇತೃತ್ವದ ಬ್ಯಾಂಕುಗಳ ಒಕ್ಕೂಟಗಳು ರೂ.792.11 ಕೋಟಿಗಳನ್ನು ಮರುಪಡೆದಿದೆ.
ವರದಿಗಳ ಪ್ರಕಾರ, ಜಾರಿ ನಿರ್ದೇಶನಾಲಯ(ಇಡಿ) ಬ್ಯಾಂಕುಗಳಿಗೆ ಹಸ್ತಾಂತರಿಸಿದ ಮೂವರು ಉದ್ಯಮಿಗಳ ಷೇರುಗಳನ್ನು ಮಾರಾಟ ಮಾಡಿದೆ. ಕಪ್ಪು ಹಣ ವರ್ಗಾವಣೆ ತಡೆಗಟ್ಟುವಿಕೆ ಕಾಯ್ದೆ(ಪಿಎಂಎಲ್ಎ) ಅಡಿಯಲ್ಲಿ ಕೇಂದ್ರ ಸಂಸ್ಥೆ ವಂಚಕ ಉದ್ಯಮಿಗಳ ಆಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಂಡಿತ್ತು.
ಇಡಿ ಪ್ರಕಾರ, ಅದು ವಿಜಯ್ ಮಲ್ಯ, ನೀರವ್ ಮೋದಿ, ಮತ್ತು ಮೆಹುಲ್ ಚೋಕ್ಸಿ ಅವರ ಪ್ರಕರಣಗಳಲ್ಲಿ ಇಲ್ಲಿಯವರೆಗೆ ರೂ.13,109.17 ಕೋಟಿಗಳನ್ನು ಆಸ್ತಿಗಳನ್ನು ವಸೂಲಿ ಮಾಡಿ ಬ್ಯಾಂಕುಗಳಿಗೆ ಹಸ್ತಾಂತರ ಮಾಡಿದೆ. ಜೂನ್ನಲ್ಲಿ, 9,371 ಕೋಟಿ ಮೌಲ್ಯದ ಆಸ್ತಿಯನ್ನು ಹಸ್ತಾಂತರಿಸಲಾಗಿದೆ. ಇಲ್ಲಿಯವರೆಗೆ, ಒಟ್ಟು, 18,170.02 ಕೋಟಿ ಮೌಲ್ಯದ ಆಸ್ತಿಯನ್ನು ಜಾರಿ ನಿರ್ದೇಶನಾಲಯವು ಮುಟ್ಟುಗೋಲು ಹಾಕಿಕೊಂಡಿದೆ, ಇದು ಬ್ಯಾಂಕುಗಳಿಗೆ ಆಗುವ ನಷ್ಟದ 80.45% ರಷ್ಟಿದೆ.
Today, SBI led consortium has further realized Rs. 792.11 Crore by sale of shares handed over to consortium by ED. Till date assets worth Rs. 13,109.17 Crore have been handed over to Bank/ confiscated to GOI in case of Vijay Mallya, Nirav Modi and Mehul Choksi.
— ED (@dir_ed) July 16, 2021