ಸೆಮಿಫೈನಲ್‌ ನಲ್ಲಿ ಹೊರಬಿದ್ದ ಪಿ.ವಿ.ಸಿಂಧು : ಕಂಚಿಗಾಗಿ ಚೀನಾ ವಿರುದ್ಧ ಸೆಣಸಾಟ | ಜನತಾ ನ್ಯೂಸ್
1756
ಟೋಕಿಯೋ : ಟೋಕಿಯೋ ಒಲಂಪಿಕ್ಸ್ 2020ನಲ್ಲಿ ಶನಿವಾರ ನಡೆದ ಬ್ಯಾಡ್ಮಿಂಟನ್ ಸೆಮಿಫೈನಲ್‌ ಮುಖಾಮುಖಿಯಲ್ಲಿ ಅಗ್ರಶ್ರೇಯಾಂಕದ ಆಟಗಾರ್ತಿ ಪಿ.ವಿ. ಸಿಂಧು, ಥೈವಾನ್‌ನ ತೈ ತ್ಸು-ಯಿಂಗ್ ವಿರುದ್ಧ 21-18, 21-12ರ ನೇರ ಸೆಟ್ ಗಳ ಅಂತರದಲ್ಲಿ ಸೋಲು ಅನುಭವಿಸಿದರು.
ಇದರೊಂದಿಗೆ ಭಾರತದ ಮತ್ತೊಂದು ಚಿನ್ನದ ಭೇಟೆಗಾರ್ತಿ ಫೈನಲ್ ರೇಸ್‌ನಿಂದ ಹೊರಬಿದ್ದಿದ್ದಾರೆ. 2016ರ ರಿಯೊ ಒಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಪದಕ ಗೆದ್ದಿರುವ ಸಿಂಧು, ಈಗ ಕಂಚಿನ ಪದಕಕ್ಕಾಗಿ ಚೀನಾದ ಹೀ ಬಿಂಗ್ ಜಿಯಾವೊ ವಿರುದ್ಧ ಆಡಲಿದ್ದಾರೆ.
ಇನ್ನೂ, ಬಾಕ್ಸರ್ ಪೂಜಾ ರಾಣಿ ಮಹಿಳಾ ಮಿಡ್ಲ್ ವೇಟ್ ಕ್ವಾರ್ಟರ್ ಫೈನಲ್ ನಲ್ಲಿ ಚೀನಾದ ಕಿಯಾನ್ ಲಿ ವಿರುದ್ಧ 0-5 ಅಂತರದಿಂದ ಸೋತರು. ಭಾರತದ ಬಿಲ್ಲುಗಾರ ಅತನು ದಾಸ್ ಮತ್ತು ಬಾಕ್ಸರ್ ಅಮಿತ್ ಪಂಘಾಲ್ ಗೇಮ್ಸ್‌ನಿಂದ ಹೊರಬಿದ್ದರು.
ಟೋಕಿಯೊ ಕ್ರೀಡಾಕೂಟದ ಒಂಬತ್ತನೇ ದಿನದ ಒಳ್ಳೆಯ ಸುದ್ದಿ ಎಂಬಂತೆ, ಡಿಸ್ಕಸ್ ಎಸೆತಗಾರ್ತಿ ಕಮಲ್‌ಪ್ರೀತ್ ಕೌರ್ ಅವರು ಫೈನಲ್‌ನಲ್ಲಿ ಸ್ಥಾನ ಪಡೆದಿದ್ದಾರೆ.
RELATED TOPICS:
English summary :PV Sindhu lost in semi final : To fight for Bronze against China
