ಪಿಎಸ್ಐ ಆಗಲು ಹೆಚ್ಚಿನ ಎತ್ತರ ತೋರಿಸಲು PSI ದೇಹದಾರ್ಢ್ಯತೆ ಪರೀಕ್ಷೆಗೆ ವಿಗ್ ಬಳಕೆ! | ಜನತಾ ನ್ಯೂಸ್
ಬೆಳಗಾವಿ : ಪಿಎಸ್ಐ ಪರೀಕ್ಷೆಯಲ್ಲಿ ಪೊಲೀಸರಿಗೆ ಚಳ್ಳೆಹಣ್ಣು ತಿನಿಸಲು ಹೋಗಿ ಯುವಕರಿಬ್ಬರು ಜೈಲು ಪಾಲಾದ ಘಟನೆ ಬೆಳಗಾವಿಯಲ್ಲಿ ನಡೆದಿದೆ.
ಬಂಧಿತರನ್ನು ಚಿಕ್ಕೋಡಿ ತಾಲ್ಲೂಕಿನ ಜಾಗನೂರ ಮೂಲದ ಬಾಳೇಶ ದುರದುಂಡಿ ಹಾಗೂ ಮೂಡಲಗಿ ತಾಲೂಕಿನ ಕುಲಗೋಡ ಮೂಲದ ಉಮೇಶ ಎನ್(28) ಎಂದು ಗುರುತಿಸಲಾಗಿದೆ.
ಬೆಳಗಾವಿಯಲ್ಲಿ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ಹುದ್ದೆಗೆ ದೇಹದಾರ್ಢ್ಯತೆ ಪರೀಕ್ಷೆ ನಡೆಯುತ್ತಿತ್ತು. ಇದರಲ್ಲಿ ಭಾಗವಹಿಸಿದ್ದ ಆರೋಪಿಗಳು ಹೆಚ್ಚಿನ ಎತ್ತರ ತೋರಿಸಲು ಪರೀಕ್ಷೆಗೆ ವಿಗ್ ಹಾಕಿಕೊಂಡು ಬಂದಿದ್ದರು. ಅನುಮಾನಗೊಂಡ ಅಧಿಕಾರಿಗಳು ಪರಿಶೀಲನೆ ನಡೆಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.
ಚಿಕ್ಕೋಡಿ ತಾಲೂಕಿನ ಬಾಳೇಶ್ ದುರುಂಡಿ ಎನ್ನುವಾತ ತಲೆಯ ಮೇಲೆ ಮೂರು ತುಣಕು ಥರ್ಮಾಕೋಲ್ ಹಾಗೂ ಅದರ ಅದರ ಮೇಲೆ ವಿಗ್ ಧರಿಸಿ ತನ್ನ ಎತ್ತರ ಹೆಚ್ಚು ಮಾಡಿಕೊಳ್ಳಲು ಯತ್ನಿಸಿ ಪೊಲೀಸರ ಅಥಿತಿಯಾಗಿದ್ದಾನೆ.
ಮೂಡಲಗಿ ತಾಲೂಕಿನ ಕುಲಗೋಡು ಗ್ರಾಮ ಉಮೇಶ್ ಎನ್ನುವಾತ ಎತ್ತರ ಹೆಚ್ಚು ಮಾಡಿಕೊಳ್ಳಲು ತಲೆಗೆ ಮೇಲೆ ಫವಿಕಾಲ್ ಹಾಕಿ ಕೂದಲು ಅಂಟಿಸಿಕೊಂಡಿದ್ದ.
ಬಾಳೇಶ್ ವಿರುದ್ಧ ಬೆಳಗಾವಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದ್ದು, ಉಮೇಶ ವಿರುದ್ಧ ಮಾರ್ಕೆಟ್ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.