ನಕಲಿ ಭಾರತೀಯ ಹಣದ ನೋಟುಗಳ ದಂಧೆಕೋರ ಅಬ್ದುಲ್ ಕದೀರ್ಗೆ 7 ವರ್ಷಗಳ ಕಠಿಣ ಜೈಲು | ಜನತಾ ನ್ಯೂಸ್
ಮುಂಬೈ : ಮಹಾರಾಷ್ಟ್ರದ ಬಿವಾಂಡಿಯಲ್ಲಿನ ನಕಲಿ ಭಾರತೀಯ ಹಣದ ನೋಟುಗಳ(ಎಫ್ಐಸಿಎನ್) ದಂಧೆಕೋರ ಅಬ್ದುಲ್ ಕದೀರ್ ನಿಗೆ ಎಫ್ಐಸಿಎನ್ ಖರೀದಿಸಿದ್ದಕ್ಕಾಗಿ 7 ವರ್ಷಗಳ ಕಠಿಣ ಜೈಲು ಶಿಕ್ಷೆ ಮತ್ತು 1000 ರೂ. ದಂಡ ವಿಧಿಸಲಾಗಿದೆ.
ಮುಂಬೈನಲ್ಲಿರುವ ರಾಷ್ಟ್ರೀಯ ತನಿಖಾ ಸಂಸ್ಥೆ(ಎನ್ಐಎ)ಯ ವಿಶೇಷ ನ್ಯಾಯಾಲಯವು ನಿನ್ನೆ ಮಂಗಳವಾರ ಪಶ್ಚಿಮ ಬಂಗಾಳ ಮೂಲದ ಅಬ್ದುಲ್ ಕದೀರ್ನನ್ನು ದೋಷಿ ಎಂದು ಘೋಷಿಸಿ, ಶಿಕ್ಷೆಯನ್ನು ವಿಧಿಸಿದೆ.
ಪಶ್ಚಿಮ ಬಂಗಾಳದ ಮಾಲ್ದಾ ನಿವಾಸಿ ಅಬ್ದುಲ್ ಕದೀರ್ ತಮ್ಮ ಸಹೋದರ ಸಬೀರ್ ಅಲಿ ಜೊತೆ ಸೇರಿ, ಬಾಂಗ್ಲಾದೇಶದ ನಿವಾಸಿ ಕರಿಂ ಶೇಖ್ ನಿಂದ ನಕಲಿ ನೋಟುಗಳನ್ನು ಖರೀದಿಸಿ, ಮುಂಬೈ ನಲ್ಲಿರುವ ಸಮೀರ್ ಮಂಡಲ್ ನಿಗೆ ಎಲ್ಲೆಡೆ ಹಂಚಲು ನೀಡುತ್ತಿದ್ದನು.
ಈ ಕುರಿತು ಪ್ರಕಟಣೆ ಹೊರಡಿಸಿರುವ ಏನ್ಐಎಈ ಪ್ರಕರಣಕ್ಕೆ ಸಂಬಂಧಪಟ್ಟ ಇನ್ನೂ 3 ಆರೋಪಿಗಳ ಕುರಿತು ವಿಚಾರಣೆ ಇನ್ನೂ ನಡೆಯುತ್ತಿದೆ.