ಉ.ಕ. ಜಿಲ್ಲೆ : ಮಾರ್ಚ್1ಕ್ಕೆ ಗೃಹರಕ್ಷಕ ದಳಕ್ಕೆ ನೇರ ನೇಮಕಾತಿ | Janata news

ಕಾರವಾರ : ಉತ್ತರಕನ್ನಡ ಜಿಲ್ಲಾ ಗೃಹರಕ್ಷಕದಳದಲ್ಲಿ ಖಾಲಿ ಇರುವ ಪುರುಷ ಗೃಹರಕ್ಷಕರ ಹುದ್ದೆಗೆ ನೇರ ನೇಮಕಾತಿಯನ್ನು ಮಾ.1 ರಂದು ಇಲ್ಲಿನ ಜಿಲ್ಲಾ ಗೃಹರಕ್ಷಕರ ಕಚೇರಿ ಆವರಣದಲ್ಲಿ ಏರ್ಪಡಿಸಲಾಗಿದೆ.

ಕಾರವಾರ ಘಟಕದಲ್ಲಿ 19, ಚಂಡಿಯಾ ಘಟಕದಲ್ಲಿ 18, ಮಲ್ಲಾಪುರ ಘಟಕದಲ್ಲಿ 12, ಅಂಕೋಲಾ ಘಟಕದಲ್ಲಿ 12, ಗೊಕರ್ಣ ಘಟಕದಲ್ಲಿ 12, ಕುಮಟಾ ಘಟಕದಲ್ಲಿ 14, ಹೊನ್ನಾವರ ಘಟಕದಲ್ಲಿ 10, ಭಟ್ಕಳ ಘಟಕದಲ್ಲಿ 13 ಸಿದ್ದಾಪುರ ಘಟಕದಲ್ಲಿ 11, ಶಿರಸಿ ಘಟಕದಲ್ಲಿ 9, ಮುಂಡಗೋಡ ಘಟಕದಲ್ಲಿ 10, ಯಲ್ಲಾಪುರ ಘಟಕದಲ್ಲಿ 14, ಹಳಿಯಾಳ ಘಟಕದಲ್ಲಿ 14, ದಾಂಡೇಲಿ ಘಟಕದಲ್ಲಿ 4 ಮತ್ತು ಜೊಯಿಡಾ ಘಟಕದಲ್ಲಿ 10 ಗೃಹರಕ್ಷಕರ ಹುದ್ದೆಗಳು ಖಾಲಿ ಇರುತ್ತದೆ.

ಗೃಹರಕ್ಷಕ ದಳಕ್ಕೆ ಸೇರಬಯಸುವ 20 ವರ್ಷ ಪೂರೈಸಿದ ಅರ್ಹ ಪುರುಷ ಅಭ್ಯರ್ಥಿಗಳು ಮಾ.1 ರಂದು ಬೆಳಗ್ಗೆ 10ಕ್ಕೆ ಜಿಲ್ಲಾ ಗೃಹರಕ್ಷಕದಳ ಕಚೇರಿ ಆವರಣ, ದಿವೇಕರ್ ಕಾಮರ್ಸ ಕಾಲೇಜು ಎದುರುಗಡೆ, ಸರ್ವೋದಯ ನಗರ, ಕೋಡಿಬಾಗ, ಕಾರವಾರ ಇಲ್ಲಿ ಹಾಜರಿರಲು ಕೋರಿದೆ. ನೇರ ನೇಮಕಾತಿಗೆ ಅಗಮಿಸುವ ಅಭ್ಯರ್ಥಿಗಳು ಆಧಾರ ಕಾರ್ಡ್, ಅಂಕಪಟ್ಟಿ ಮತ್ತು ಟಿಸಿಯ ಪ್ರತಿ, ವೈದ್ಯಕೀಯ ಪ್ರಮಾಣ ಪತ್ರ ಹಾಗೂ ಇತ್ತೀಚಿನ ಎರಡು ಭಾವಚಿತ್ರಗಳನ್ನು ಕಡ್ಡಾಯವಾಗಿ ತೆಗೆದುಕೊಂಡು ಬರಲು ಸೂಚಿಸಿದೆ.
ಹೆಚ್ಚಿನ ಮಾಹಿತಿಗಾಗಿ ಜಿಲ್ಲಾ ಗೃಹಕರಕ್ಷಕದಳದ ಕಚೇರಿ ದೂರವಾಣಿ ಸಂಖ್ಯೆ 08382-226361 ಗೆ ಸಂಪರ್ಕಿಸಲು ಪ್ರಕಟಣೆಯಲ್ಲಿ ಕೋರಿದೆ.